مرحبا في حفل ربع قدموا بيض الصيانا = ربعي اللي لهم ماقف كانها جات العزاوي
فيصل بتال الليالي يشبه لبيض السمانا = بس يذكر مير ماينشاف ياكاف البلاوي
البقاء ياشاعررحب بنا ساعة لقانا = ماتقطعت السلوم ولاتقطعت العراوي
انت منت المباحث وش جرى تبحث ورانا = لاحضرنا مالك ألا ريح هيل وعود جاوي
المدينة فرحت بفيصل بعد جاها وجانا =بعد شفتك يالرياحي ماتجيلي بالمناوي
بأول الأيام تذكر راكب فوق الحصانا = واخر الأيام شفتك رايح لفوج اللحاوي
دامت الأفراح والكلمه لنا وألا علينا = غن يامعتق وخلك من بعيدين الهقاوي
الحضيض اللي يخاوينا ليامنا مشينا = والحصان بخير كانك بالركوب الزين ناوي
نظرتي دايم بعيده والرياحي ماعطانا = الله اللي يعطي الأرزاق يالحر النداوي
ماحد اماشيك وانته يالرياحي ماتبانا = رح لأباعرك الجديده روح يالشيخ الشواوي
مرحبا بك شاعر تصلح من خيار خويانا = مالك ألا من يوسع خاطرك كانك سحاوي
يامسا الخير وسرى الموضوع لامنا سرينا = كم تشوف وكم يطوف وسيلنا دايم نحاوي
الله أعلم يالخفايا والله أعلم بالبيانا = خايف انك ماتوردنا على العد الرهاوي
لاسرينا نجمنا ياصاحبي ينور سمانا =ماعلينا يالرياحي لو يجي عشرين عاوي