![]() |
حــربي وتـرهـب عـزوتي كـل طـحـطـوح
0
0 0 0
سميت باسم مكـوِّن الكـون سبحـان =محيي العظـام ونافـخٍ بالجسـد روح هـو واهـب الهيبـة نبيـه سليمـان =وحكم النجـارة واهبـه للنبـي نـوح بسماه للمؤمن حمايـة عـن الجـان =وتوبة خطأ عبده لهـا البـاب مفتـوح وأباأجتهد وأصيب وأخطي وأنا إنسـان =وخطاً ماهو مقصود بالعـذر مدمـوح وكان القبيلة قلـب والشاعـر إلسـان =مشاعر الشعّـار بأمجادهـا شحـوح كـم شاعـرٍ فكـره بالإبـداع مليـان =وحلقه على تجريح الأمجـاد مبحـوح مادام مالفّوا علـى الجسـم الأكفـان =والله لأشيـد بمجـد الأجـداد وأبـوح ما أرضى يقال غليص وإلا إبن برمـان =وأنا أعتزي عزوة (سوالم ومسـروح) عزوة لها فـي قمـة المجـد عنـوان =حربي وترهب عزوتي كـل طحطـوح بفعلٍ مضى له قبـل الآمـان برهـان =وقولٍ بلا برهان .. ضحضاح ويـزوح مـدوّن البرهـان فـي كـل ديــوان =بفعلٍ يزيـح جـروح ويغمّـق جـروح بشلفا ورمح وخطام وسنـان وعنـان =وقول وفعل ماهي سواليـف ومـزوح سقنا العـدا سـوق المثيـرة لربـان = والحي مـا رد النقـى بثـار مذبـوح تاريخنـا حافـل بسيـات وحـسـان = منّـا ولنـا مجـدٍ ينابيـعـه تـفـوح تذن بـه الشيبـان باسمـوع شبـان =ولامات مـن فعلـه بذكـراه ممـدوح إلنـا ثلاثـة ملـك مامثلهـن كــان =نفدا الخوي والجـار بالمـال والـروح ونآسم عصا العاني علشـان مايهـان = وبسلمنـا دم النقـا فيـه مسـفـوح وإشهودهن بالصـك شمـر ومطـران=حتى نقـول العلـم مقفـي ومنطـوح وفي قـارة الأسـلاف شيِّـد لسلفـان =بيتٍ ذرى وظـلال عـن كـل لافـوح (إبن نحيت) ليا اعتزوا فيـه صدقـان = خلَّى المشوَّك في دجى الليل له ضـوح يبشر بعز من إعتزى باسـم( مزنـان) =نسـوان عدوانـه زغاريدهـا النـوح أحفاد من للمصطفى أصحاب وأعـوان =واِلهم مع الهـادي غـزوات وفتـوح (ويوم إِنَّ) نجد لقـرَّح الخيـل ميـدان = كم حد ممنـوعٍ لنـا صـار مسمـوح (شريدة الفرسـان) والسيـف فسقـان =كـم عيـن طمَّـاع كَحَلهـا بذرنـوح ليا أومى بدس الطير راحـوا شبختـان = له عزوةٍ يرهـب بهـا كـل مشفـوح ( ومحمد أبا الرووس )كم راس طمعان =بحد اللويصق عـن تراقيـه ممسـوح فعـلٍ يسمـى بـه هكااليـوم لَـلآن =ذكره مع أهـل المجـد ماهوبمسنـوح (ومجوّز العزبان ) زيـزوم الأضعـان = لولا الفعل ماجاء لـه الأسـم ممنـوح من رافق (سعيّد) رجع معـه كسبـان = ماقالوا (الذكري) رجع مثـل مايـروح ووثايق التاريـخ بإسـم (المضيـان) = لولا (ولد موسى) تعـرَّض لسامـوح ولولا الحقايـق ثابتـة لأهـل الشـان = رجع بها( فايز ) على حرب مكسـوح ماهـو تنبِّـي للحـدث مثـل كَــرَّان =جاب الخبر من يوصله عـزم وسبـوح بدلايـلٍ مادلّـهـا كــل شـرهـان = قص الأثـر للذاهبـة مبعـد الشـوح وإقتادهـا قـود المطايـا بـالأرسـان = ويالمبصر إقرأ ! ويالعمى تابعـه وأوح مدونِـه للـي للأمـجـاد ضـرمـان =بعذب الشـراب وزاد ميـدم ومملـوح وياللي تقول بمااحتوى مانـي قنعـان =إفزع ولا أقـول الخطرعنـك مطـروح أمـا يجـي مفـزاع قابـوس لعمـان =وإلامثـل فـاروق والمـوج واللـوح للطايرة ( كبتـن ) وللسفـن قبطـان = ولاجاب جوهرْة البحـر كـل سابـوح ورعيـةٍ معهـا جنبـهـا ورعـيـان =وشهودهـا بأفعالهـا شمَّـخ تـلـوح والهاملـة ماخلّصـت ديـن ديــان= ولا يقتعد راسٍ على الزيـف مسـدوح وبيتٍ بَـلا بيبـان لـو فيـه سكـان =الباب عن صلف الهواء فيه مصلـوح قلته وأنـا بتقصيـر تعبيـري مـدان= مير القريحة وقَّعَت فـي صفـا صـوح والشعـر لـه نقّـاد تعبـيـر وأوزان =وماقـل دل وزبـدة العلـم منـضـوح وإليا اعتبرتوا غلطتـي كبـوة حصـان =من عفوكم ياأهل الوفاء الصدر مشروح |
صح لسانـكـ وعـلا شانـكـ ...
رائعـة من روائعـكـ ... لا عدمنـــاكـ يالغالي تحياتي |
السلام عليكم ورحمة الله وبركاته (( صح لسانك )) ودمت سالما ً وسأكون من المتابعين لكل مايطرحه شخصك الكريم ويامرحبا فيك اتمنالك التوفيق إن شاء الله أخيك ابوروان |
صــــــح لـــــســـانـــك وعساك عالقوه |
صح لسان الشاعر / زيد الحثل على هذه القصيدة |
صح السانك اخوي الشاعر زيد بن مبشر الحصني الحربي بيض الله وجهك و بارك الله فيك تحياتي وتقديري عاشق بريده |
الشاعر زيد بن مبشر الحصني الحربي صح لسانك وماقصرت يالغالي بيض الله وجهك تحياتي الصـ الجارح ـقر |
الشاعر زيد بن مبشر الحصني صح لسانك وبيض الله وجهك يالغالي اخوك سلطان |
زيد الحصني قصيده بمجملها قويه وتعتبر من افضل القصايد في الشبكه العنكبوتيه واعجبتني كلها من مستهلها الى نهاياتها ولكن ما اعجبني اكثر هذيت البيتين : (ومجوّز العزبان ) زيـزوم الأضعـان لولا الفعل ماجاء لـه الأسـم ممنـوح من رافق (سعيّد) رجع معـه كسبـان ماقالوا (الذكري) رجع مثـل مايـروح صح لسانك ودمت بخير |
اقتباس:
زيد يازيد انا اشهد انك حر ولد حر قصيدة جزله من راس جزل تستاهل حبة الخشم والراس الله يجعلك ذخرلحرب |
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() الساعة الآن 09:00 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir