@@ صدر العنيق @@
هذي حياتي ، عشتها بصدق وإحساس = ودايم بها قلبي من الوجد طاير ليه سنه يا دوب اصعد بالأنفاس = من وسط عيني ينحدر دمع ساير لي حبيبة مثل تاج على الرأس = لأهل مزنه تتبعه كل البشاير في (( صدر العنيق )) أعيش ، وأكتب بقرطاس = في زمان العلم ؛ منيّر وناير فالمدرسة يا زينها ، لعبة الكأس = واليوم عيني ما تكف العباير عقب المحالة والدلو ، صار غطاس = نجبد به الماء ، ونبني الظفاير في عرسها نجتمع ، نرمي الرأس = وفوق الدرج ( نسبح وسط الوكاير ) احترت كيف أعود ؟ واجمع الناس !؟ = في ظل عهد الجود، كل شيء صاير لشروق شمسي ألفين موقع ومجلاس = ويزينها لا هبت صباها عصاير وفديرتي عشنا مع كل الأجناس = من طير ولا هش ولا ريح ثاير هي تنادي وتصرخ وتدق الأجراس= وفي برها لازم نهجر السراير جنة من الفردوس تعشق وتنباس = فارض الطبيعة نذوق الذ الفطاير يستتر فيها الضمير ويبرز مع الفأس = وينفصل فيها الود ويتصل بالظماير في جيلها تبكي وتعض الأضراس = كبيرة ما تشوف بعض الصغاير نجمع لها الأفكار بهجوم وحراس = من تحت سلمان نظهر ما تخفي السراير في صدرها أمي احمديه من الرأس = وفي جوفها أمي بها خير غاير تبقى فقلبي وللتطور هي الساس = يحميها رب الكون من ظالم وجاير الأحمدي حس وترك من بعد هوجاس = في راسها دارٍ لكل من يشكي الظراير ظموا اليدين اليوم وادعوا بهمس الحواس= وكثروا الدعوة وزيدوا عند الشعائر هذي قصيدة حب ما لها حد وقياس = مزينه في لبسها صوف وحراير هذي قصيدة من شخص عادي ولا باس = شخصٍ يحامي عن قبيلته فالحواير يكتمل فيها العقد ويفرح لها الألماس = ويصيب زرف(ن) كان له قلبي معاير واليوم اجتمعنا في جو هادي ونسناس = بفضل الرجاجيل اللي تسعى وتساير نجتمع في بابها جنود وفراس = ونظمها وسط الجسد وعقول النواير والحقيقة عجز وللكل مساس = زمان الجسر لا طاح تلفي الجباير قالوا مثل معروف وقالوا العرق جساس = وحنا لحمد تاريخ ماضي وداير خل الصغير يحس وأمه بالأنفاس = شيهان يوم يكون فالجو طاير مثل الزير في قصة كليب وجساس = فعلم النسب عندي علوم وكاير عندي أمل أشوفها مثل تكساس = برجالها اللي يراجعون الدواير مع ابو متعب رجاجيل وغراس = يخافون رب الخلق يوم الزباير وفختامها صلوا على سيد الناس = اللي فهديه ما يكون ضايق وحاير اسف للاطاله وسلامتكم |
بيض اللة وجهك ياابو تركي وننتظر مزيدك اخوك ذيب الليل
|
صح لسانك وعلا شانك
والله يعطيك العافيه على القصيده الجزله بيض الله وجهك تحياتي |
ارحب تراحيب المطر والله يحييك
صح لسانك وسلم فكرك رايعه بروعة حضورك لاخــلا ولاعـــدم لك فائق احترامي وتقديري |
الله يـعـطـيـك الـعـافيـــــــــــة على القصيده وصح لسانك مليون بيض الله وجهك |
حضور راقي ومصافحه رائعه
قصيدة كلها عذوبه وجزاله تدل على جزالة قائلها تحياتي |
اللهم صلي على رسول الله
بيض الله وجهك يابوحمد وصح الله لسانك ابداع رااائع يعطيك العافيه وننتظر ابداعاتك المتميزه تقبل اجمل التحايا ودمت بخير |
صح لسانك وسلم بنانك
قصيدة رائعه بروعة حضورك |
صح لسانك وسلم بنانك
|
صح لسانك وانا اخوك على هذه القصيدة الأكثر من رائعة
من شاعر جزل ومتمكن .. شكرا ً لك من الأعماق على هذا الحضور وهذا الابداع وتقبل خالص تحياتي وتقديري |
الساعة الآن 05:27 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir