من لارقى فـي شبابـه سلـم المرجلـه=ماينفعه فعـل ابـوه او جـده او خالـه
قـد قيـل فعـل الولـد ابـوه مايشملـه=ماهوب وراثه عشـان الـورث لعيالـه
لا بلـه الا طريقـن تجـزم او تفعـلـه=والطيب بيـن ماينعـت مايبـي ادلاالـه الااعلا اهل الـرادى لـى ساسهـا تجهلـه=اطيبهـم الـى بعينـه ناظـر اظلالـه
وكفك من اهل المصالح والردى اغسلـه=ومن لا يحفظ النسـب وعـزي الحالـه
ومن جاك يبغى المواصل بالوصل وصله=ومـن رام فرقـاك لاتدعيـه لوصالـه
ومن حطلك منزله بالطيـب لـه منزلـه=الطيب بيـن يبيـن أوتعـرف ارجالـه
ومـن لا تجمـل بفعلـه مالله امجملـه=ومن لاكسب في حياتـه موتـه اشوالـه
ومن عق فـي والدينـه قدمـه امسجلـه=بكـره يجـازى نهـار البعـث بعمالـه
ديـنٍ ورى ديـن والـديـان متقبـلـه=ولاخير من تقصر ابذل العطـاء احبالـه
والي عن اهـل الكـرم ايدينـه امكبلـه=ماتنفعـه بشـتـه اولا رزت اعقـالـه
وراع الردى لو يريد الطيـب ماحصلـه=ماقيلـه نعـم والاٌا مدحـت اخصـالـه
ومن لا يبرهن كلامـه سمعتـه تفشلـه=عيبن عـلا واحـدن مابرهـن افعالـه
واحذر تماشي هـلا النمـات والمهزلـه=هـذاك عيبـن عليـك انـك تعنـالـه
هذاك من قـوم قيـل او قـال لاتلدلـه=هـذاك واجـب تعـدي عنـه فنجالـه
مايفٌـرق المقفيـه ويمـيـز المقبـلـه=يمـوت والطيـب فـي يمنـاه ماطالـه
خلك مع الـي يعقـد الحبـل ويحلحلـه=حلال صعـب المـور لاكبـرت القالـه
واليا زهمتـه يقـول ابشـر ولا يأجلـه=مثـل البليهـي ثقيـل الحمـل يشتالـه
وراع الكرم يفتخـر بالطيـب ويحقلـه=الله يعافيـه ويكـثـر مــن امثـالـه
راع المزايـا الفضيلـه فعلـه امفضلـه=يفرحبـه الـي ضروفـه ظيقـت بالـه
ومن لا رقى في شبابـه سلـم المرجلـه=ماينفعـه فعـل ابـوه اوجـده او خالـه