اخترت لما قـدرت اختـار=سلام من خاطـرى مقريـه
لكـل الاعضـاء والـزوار=ولك يا زميل الصفا مهديـه
يامرحبـا يازميـل الكـار=ياعدّ يارمـز مـن ماضيـه
وأكثـر تراحيـب بالسمـار=وبمنتدانـا وباللـي فـيـه
كان السلامات وابغى اخبار=عن علم بين العرب طاريـه
قالوا لنا اوشـك المشـوار=يوصل به الهاويـة راعيـه
اللي سمعتـه يابيـرق دار=قوله وخـلّ المـلا توحيـه
وأنا معك فالمثـل سنجـار=أرسي معك بـر ماترسيـه
عزّف فذاك الطريـق كبـار=خلاه خاوى ما احديمشيـه
ماغيره يثيـر فيـه غبـار=فى باله الناس مـا ترعيـه
ياليت يفهم غريـب الـدار=معنى الذي فالمثـل نعنيـه
أسهل من السهل هد جـدار=وماهو من السهل لو يبنيـه
بوجيه عـدة يجـى مـرار=ويظهر لنا عكس ما يخفيـه
ويرمى فهشيم الظغينه نـار=هـذا حصيلـه ومتـوريـه
طبيعـة الثعلـب المـكـار=يحتـال باسلـوب مايلهيـه
والمـال مايمنـع الطـرار=لجيوب غيـره يمـدّ يديـه
الود مالـه معـه مسعـار=مهما من العاطفـة نعطيـه
يقابـل الطيـب بالانـكـار=وكلمة الحق مـا ترضيـه
المسئلة ماوراهـا اسـرار=حرفك كشف عن خفايا وجيه
خسارة الوقـت والاشعـار=اللي نحت عن بحور التيـه
هات الحكم ياالصديق البار=على الملا واعلنه وامضيـه
كيف نتصرف مـع الغـدار=ومفتاح ذاك القصر ملغيـه
تحذير رطن المثـل وانـذار=يحمل معه للنظـر توجيـه
لويتعـرض للمعانـي نـار=على حروف الهجا نشويـه
كل قصر مفتـوح للشعـار=وقصر النخل عز للي يجيـه
الناس تحكم علـى مـادار=ياتدينـه النـاس ياتزكيـه