يامنتدى ديـرة الاصحـاب=يامجلس اهل الوفا والجـود
سلام هبّ النسيـم وطـاب=مثل الخزامى وريح العـود
ترحيب شامل من الأحبـاب=ينصاك ماله عـدد معـدود
ياحـرف مابيننـا منسـاب=نبغا معه نسّعـد الموجـود
منك الوفا شارف المرقـاب=عليه كـل العبـاد شهـود
ياصرح للمعرفـه كسّـاب=نبغا لغزر المثـل مـردود
شرّفتنـا وجابـك العنـابي=اعـد للمعرفـه مــورود
ومثلي لغزر الكلام حظـاب=يجيك مبني على المرصـود
حطّ الغضي للمـوده بـاب=لاهـو مشـرع ولامسـدود
بانيه بشكـوك واستغـراب=واشوف مدّ الهوى مجحـود
لاهل الموده هنـاك كتـاب=ساسه ثقه بينهـم وبنـود
وإذا اختلف بالحساب حساب=لابـد مـدّه يجـي مفقـود
ماوافقت حسبـت الحسّـاب=اللي فـؤادي منـه ملهـود
ياللأسف فيه ضنـي خـاب=ولازلت محتار بالمقصـود
ان كنت راغب وله طـلاب=وقلبك معه بالهوى مشـدود
عيد النظر لو يجيك عتـاب=عساه يصفا معـك ويجـود