فلاح صياف الحربي=
تدور الليالي والمقادير حسب الدور=احد فاول الطابور واحد داخل الطابور
لاكن البلا من علتأ مالها دكتور=يقولون مال العله إلا مداويها
دربنا ياحبيب ماتغير مساره=ماتغيرمساره دوم والعمر فاني
خبر اللي غدت يمناه تصفق يساره=قول عيد الضحيه بعد عيد ارمضاني
حبيب العازمي=
تدور الليالي والقدر بين نون وكاف=وان يسر الله ماعلى المسلمين اخلاف
وانا شايفأ صياف في وجه بن صياف=يقولون مال العله إلا مداويها
لو راشد مبشرني عطيته بشاره=مار راشد معلمني وله قصد ثاني
قالو الحر يفهم عادته بالاشاره=وانت عندك عشر فالدرج زدها ثماني
فلاح بن صياف الحربي=
مدام السما يالعازمي خيلت بخيال=تهون العلوم وكل عقده لها حلال
نبا نازن المكسب ويرجح راس المال=يقولون مال العله إلا مداويها
الشتاء طول ليله قام يسحب نهاره=والدقايق تعود في حساب الثواني
الذهب هو ذهب مكسب ولا به خساره=والبلا من يدين مقرقعين الاواني
حبيب العازمي=
توكل على الله واترك السته والستين=عسى تكسر الشلفا على السيف ابوحدين
هذا علمي ذلحين وابا اعلمك بعدين=يقولون مال العله إلا مداويها
ياعقاب السحيمي سجله فالاماره=واحد امن الحرب واحد امن خواني
العسل فالمناحل والبن فالغذاره =والوعد بيننا قدام وقت الاذاني
فلاح بن صياف الحربي=
هذا رزقنا اللي نزله ربنا تنزيل=ليا راح عنكم جيل يطلع عليكم جيل
حقايق ولا تبغا مجادل ولا تحليل=يقولون مال العله إلا مداويها
مايغشك صحيبك كان طوع الاشاره=البلا فالحبال اللي تجر السواني
من بعد شجرة ..... =يجني الخوخ والليمون والبرتكاني
حبيب العازمي=
يبا يمشي الطرقي ويتعب مع الديره=وتكثر معانته وتكثر مشاويره
ومن يعلم الخافي ومن يعلم الخيره=يقولون مال العله إلا مداويها
والله انه عليك امواصفات الشطاره=والشطاره تراها ستر بعض المعاني

0
0
0

محاوره رائعه

0
0
0
تحيتي