أشوف الليل راح و لابقى إلا ساعة الموال=ألا ياتركي الالفين كيف أنته و كيف الحال
مادام أنك عقدت العزم رجع سلفة الرجال =لياهب الهوى ميلي شوية ياغصون الراك
أنادي على الصفين و أقول = و أكــــرر يا خنذف ياشبابه
بأعلمك ياتركي على طــول =على الخـــــط تنتظرك ذيابه
نبأ نلعب و جو الملعبة يا أصحابنا صافي=و ألا ياناشد عن حالتي طيب و متعافي
ونور الخير والع و المشاكل نورها طافي=لياهب الهواء ميلي شوية ياغصون الراك
قريت الرسالة و أنت مرسول = ياراع القراية و الكتابة
ترى السيف أبو حدين مسلول=أحذرك لاتقــرب نصابه
عساك بخير أنا ودي لكم دايم ولاودي =وفيه ىأمور ياتركي توقفني على حدي
لحيث الغدر ماهو طبعٍ لأبويه و لاجدي=لياهب الهواء ميلي شويه ياغصون الراك
ياتركي ياشين عيونك الحول =وصلته و لاطقـــيت بابه
ترى القول الأول غيره قـول =و تركي مصفيله حسابه
علومك يالسحيمي طيبه للبال و تسره=و لياسولفت بأقصى نجد و إلا بأيمن الحره
لكن أخر زمانك مختلف ياعاقل المره =لياهب الهواء ميلي شويه ياغصون الراك
لكن أنت ياراشد كما الهول = كما الهول في روس الشعابه
سمعنا صياح و دقة طـــبول= و هاذي من عصور الصحابه
توصفني بجني و أنت وش حدك على الجني=لك الله مايصير النقص لامنكم و لامني
ألا يامطير بالله سكتوا هذا الولد عني=لياهب الهواء ميلي شويه ياغصون الراك
أنا شفت تركي قلت يازول=ترى الزول ما أدري ويش ابابه
سمعتوا كلامٍ غير معـقول = هـرجتوا براشد في غيابه
أنا ما أقول غير الصدق يارشاد عساك بخــير=تحسبنك تبي تضحك على حضرة رجال مطير
تزور و المزور مايعيش إلا على التزوير =ليا هب الهواء ميلي شويه ياغصون الراك
يموت الصعيدي لالقى الفول =يكفن و ريحه في ثيابه
أنا مالقت الباب مقفول = و راشد نسى ماصك بابه
سوالفنا كثيره لاتوصلها مطير و حرب =ترى هاذي قبايل طيبه مالك عليها درب
تبيها يالمطيري طرح و إلا جمع و إلا ضرب =لياهب الهواء ميلي شويه ياغصون الراك
أثر عيشتك من حول لاحــول = مخاشر صعيدي في زهابه
ترى الكذب ماهو منك مقبول=بليهان جاب العيد جـــــابه
تسمع كلمةٍعندي على هونك تسمعها =أنا الاعداد أبا أضربها و أبا أطرحها و ابا أجمعها
ياراع الصورة اللي كل رسام يلمعها=لياهب الهواء ميلي شويه ياغصون الراك
ليارحت جعله روحة الجول = هاذي عن خناذف بالنيابه
أبا أمشي على صيوان و أزلول = و راشد يبي يقلع سرابه
ألا يامطير تركي عندنا بس أرسلوله فكس=ترى ماله صور ماعاد باقيله ياغير العكـس
من أول صورته متوفرة مع كل راعي تكس=لياهب الهواء ميلي شويه ياغصون الراك
بكم قول ياخنذف بكم قـول = ياحتى الدعيع مادرابه
من أول تعرف تصول و تجول = و هالحين ما بالحكي ثابه
ياراشد لاتكب الضل و تباين لنا بالشمس =ترى أن الأمس غير اليوم وأن اليوم غير الأمس
ياراع الصورة اللي باقية مع كل راعـــي جمس=لياهب الهواء ميلي شويه ياغصون الراك
يبهلل على العربان بهـــــلول = و لــكن وش حضرة جنابه
مابين العرب سايل و ماسول=ياراع السؤال أخذ الاجابه
أنا شايب و حتى صورتي تقبل شوي شوي =ولكن صورتك يشفق عليها كل قلبٍ حي
أنا حصلتها قعدت أفكر هي ماهي هي=لياهب الهواء ميلي شويه ياغصون الراك
أنا نجم واضح و أنت مجهول= تدرق تقل ريس عصابه
يا أبو ثوب فيه العرض و الطول= لكن أسألوه من أين جابه

المشاركة الأصلية كتبت بواسطة طير شلوى (المشاركة 168902) يعطيك العافيه