سلام ردية تدخل بيوت المجد والطيب=ياجعلها ماتزول ولا يغيرها الزماني
ياذيب ياللي تجر عواك ليش عواك ياذيب=مدري من الجوع ولا طاري لك علم ثاني
الله يعز الرجال اللي تعدي فالمراقيب=ترسي كما يرسي البابور في شط المواني
لو العصيمي يواجهني على عوج العراقيب=اباخذ السيف من يمناه واحرك لساني
... فك السلوك اللي تود العلم وتجيب=واللي عطى العشر ياصياف ما يقبل ثماني
العام ياصاحبي مافيك عيب ولا عذاريب=لكن هذا السنه تلدغ سواة العقرباني
اليا اخلفتني هجوسي عنك حَصْْلت شقت الجيب=ماعندك اللي يحفر البير ويسوق السواني
ان طال عمرك بعد مده قصيره يطلع الشيب=واقول سافر من الدنيا لو انك من خواني
ماتعلم الغيب ياصياف وآنا ماعلم الغيب=لكن نورك تغير ليش ياسهيل اليماني
لن جات بالطيب ولا جات بخشوم المشاعيب=ساعه بساعتك ماتعدل لها خمسة ثواني
تغير الوقت يالصاحب وخبثنَّ المشاريب=وان شدوا الناس قام شعيل يرثع بالآواني
انت الصحيب الغشيش اللي طلع بين الآصاحيب=جتني علومك مع العربان وآنا في مكاني
تغير الوقت غير اهله بلا شك ولا ريب=ترى العرب مايخلطون الهرايا بالسماني
قصدك تجنب وآجنب مير مالي عنك تجنيب=امرح وتصبح بخير وعافيه يامودماني
والله لدوَّر مع العربان لين القى معازيب=واني لقابلك بالحاره وعمدتها يماني

المشاركة الأصلية كتبت بواسطة الحب الباقي (المشاركة 168725) نقل رائع يعطيك العافيه يالغالي اخوك الحب الباقي دمت بخير

المشاركة الأصلية كتبت بواسطة مشعان الحربي (المشاركة 168854) يعطيك العافيه بيض الله وجهك

المشاركة الأصلية كتبت بواسطة ابن خيرالله الردادي (المشاركة 170926) ياسلام نقل راااائع لمحاوره راااائعه بيض الله وجهك تقبل تحياتي ودمت بخير

المشاركة الأصلية كتبت بواسطة ابوروان النويمي (المشاركة 173970) يعطيك العافيه على الملعبه الرائعه بيض الله وجهك ننتظر المزيد تحياتي