ملتقى قبيلة حرب الرسمي - راشد السحيمي ... و ... تركي 2000

تسلم يامرشد على كل شي سويته= الطيب لك ساس و أنت اللي بناء بيته
و لاهي غريبه مطيري ذايعٍ صيته=و الرأس مرفع و الرايات مرفوعه
ليا صفت الصفين و القاف غنوه=تنامت بيوت الشعر و أرتاح بالي
تشبهت يا ابن حرب و الوضع مشبوه= و كد قالها غيري ماقلته لحالي
تسلم يامرشد و يسلم راشد الحربي= اللي لفاكم من أقصى الساحل الغربي
و اشوف تركي من البارح يناظربي=و الرأس مرفع و الرايات مرفوعه
لياقامت الصفين و اللغز حلوه=تشوفون الأقصى يدرق بالموالي
مطير احددانا حدوهم ماتعدوه=و تركي مخربهافي تال الليالي
ترى القضايا ماغش حروفها القاضي= حييت و الضاميه تارد على الحاضي
جبناك راضي و ترجع يمهم راضي=و الرأس مرفع و الرايات مرفوعه
ألا ياجمال الحمل جاهز و شيلوه= و لا للحمول إلا ظهور الجمالي
ترى اللي يحب الكره للناس مكروه= و راع الجنوب يعرف راع الشمالي
الليلة الملعبة ورده غراميه= متجددٍ عطرها و قلوبنا حيه
وأن كان سلمت من يدين الحراميه=و الرأس مرفع و الرايات مرفوعه
عسى الله يخلي تركي ألفين لأبوه=زهمته تعال و قال ياهملالي
تمسكت فالميزان من يوم جابوه= لكنه بدون أسباب بالحيل مالي
الملعبة نار ماهي وردةٍ حمراء= لكن لاعاد تزمر نفسك الزمراء
إلعب على الطرق و مع الخيل ياشقراء=و الرأس مرفع و الرايات مرفوعه
ياهوه أنتبه لمصالت الهرج ياهوه=و صرف علومك مثل صرف الريالي
مسمين راشد حرب وشلون سموه= هذا الامر ترجف منه صم الجبالي
الظاهر أني حمستك حمسة البنه= ترقص لها شوق و ضلوعك لها حنه
ما ابغاك تاقف مابين النار و الجنه=و الرأس مرفع و الرايات مرفوعه
ياتركي ترى من جابو الناس ودوه= ليا شان طبعك روح دور بدالي
صحيح أسم تركي ترك و شولن جابوه= لكن أحمد الله ما أنته اكبر عيالي
هاذي سوالفك طبقها على غيري = أن كان و أنك تعرف الشر و الخيري
ويش أنت ويش أنت حتى تحمس مطيري=و الرأس مرفع و الرايات مرفوعه
تحب السباهه و أنت ما أنته بمسبوه=و أن ماينقص مكسبي راس مالي
ألا يالحروب الرجل وجعان داووه= و به علةٍ بين الكلى و الطحالي
أرجوك طش الشداد و نوخ الفاطر= يا ما حمسناك قبل اليوم ياشاطر
ماغار دمعتك دمعه تكسر الخاطر=و الرأس مرفع و الرايات مرفوعه
يقولون تركي كل ماطاح كووه= و هالحين حتى الكوي ماله مجالي