أرفع سلامي للحضور اللي وقف واللي قعد=عد النبات اللي تخالف بالفياض ازهورها
الله يوفقنا رضا الجمهوروأدروب السعد=واللي قضب راس المطية يعتلي في كورها
يامرحب وأهلين يا حماد مدري ياحمد=تبغ الليالي والليالي ماعطتك انحورها
إنكان عندك سالفة حييت ياهذا الولد=وإن كان ماعندك سوالف طلعك ابزورها
ياطيب حظي يوم جاء صياف مدري وش بعد= حتى نبيع ونشتري والناس من مقدورها
عندي أعلوم تبهج الخاطر ومجهود وجهد= تجلي عن الكبد العليلة حرها ومرورها
ياطيب حظك يوم جاك اللي يعلمك العدد= يبقي عليك أتحج مكة والمدينة زورها
أنا من البارحة أخيل البرق وأسمع لي رعد= وأثرك وراه الحية اللي طلعت دنقورها
مانيب ياصياف مثل اللي عن النار أبتعد=أشاور أهل المعروفة وأسمع بأذاني شورها
والحبل ياصياف كان انه تلوى وانعقد=اللي يحل المشكلات اللي تدور بدورها
أنت وردت وفيه من شاف أبيار ولا ورد=وأنت إلى جيت العرب تعطيك من ميسورها
نبي تدوس السالفة دوس الرجال إالى الأبد=أظنها عن داخل الدوسة تصيح اسيورها
الله عليه المتكل والله عليه المعتمد=خذها وعطنيها وصدري من وساع اصدورها
الخيل جددنا حذاها والجلد عان الجلد=أما تبين أفعولها وإلا تبين عثورها
صاحبك في ليلة عشر مدري صحا وإلا رقد=والنار لاشالوا حطبها ماتفوح اقدورها
الليلة الحماد زود في كلامه واعتقد= يحفرعن أعظامه الجنايز وانسدح في قبورها
الحي له عين تشوف الدرب مافيها رمد=مايرحم إلا اللي خلق خلقه وهو مأمورها
قبل التجارب ماحدٍ يفرق اسعيد من سعد= والناس في جوبها ماتدخر مذخورها
لوقلت اكتب سند مانيب كاتب سند=الملعبة تكثر عليك جروحها واكسورها
ترى السحابة كل ماتمطر نزل منها البرد=والجيش تسري وأشدته ثابتة في ظهورها
وأنا اللي إلى وعدت ياصياف ما أخلفت الوعد=ماعادتي ما أصبر على ميل الليالي وأجورها
وردن عليك الظا ميات ودر بها الأبيض جرد=أرو الظوامي من غزير أجمامهاوأبحورها
انكان تعرف سورة الاخلاص قل الله أحد=أظنها تكشف لك الدرب البعيد بنورها
بكرة تبي تعرف عيال البدو وعيال البلد=ونطلع اللي يقطع الغبة على بابورها
مافيه مسلم مايعرف أن الله الصمد=مانيب من ناس تضيع أفكارها وأشعورها
ماعادتي ماأدخل يدي بين الحيايا والرصد=مايسلم اللي يحارش الديبان جوف اجحورها
ارفع حجاجك فوق وانظر لابن آدم والهدد= الناس لاهزت مبانيها تطيح أقصورها
الصحاب اللي نعرفه حتى الشهادة ماشهد= ياليت راعي الفاطر الوضحا مايكسر كورها