الا يارفيـق الـدرب خلـك علـى يمـنـاي =ونـا هقوتـي بــك هقـوتـي ماتخيبـهـا
وعاهدك في درب الردى ماتسيـر اخطـاي =ولااهـيـن نفـسـي وتـهـاون بواجبـهـا
والا يابنـات الفكربالشعـر يـمـي جــاي=لعقـل ٍ يديـر الـنـادره لـيـن يكسبـهـا
ترى الشعر في عقلي ودمي وكـل اعضـاي=جرى بالعروق وكـل الاحسـاس صاحبهـا
وانا اللي حداني في شجوني وفـي مسـراي=دروب الغـرام وماجـرى مـن مصايبـهـا
مـادام الـوداع وفرقـة الشمـل والاقفـاي=قريبـه عسـى مـاعـاد يــومٍ يقربـهـا
الا ياوزيـن الــروح ياغايـتـي ومـنـاي=علـى هـون ليـن النفـس تلحـق مطالبهـا
تعـال انتعاهـد ونـتـوادع ونقـطـع راي=تـرى ساعـة الفرقـى تحـرك عقاربـهـا
ونا يوم اسوق النفس يمـك بحكـم ارضـاي=ابـارك لهـا بالخـطـوه الـلـي تقربـهـا
وانا خايـفٍ لحضـة فراقـك تشـل اقـواي=واهـدي ميـول النفـس يـمـك وعاتبـهـا
على اضعف من السلك الردي تنطوي رجواي=ونـا خايـفٍ مـن هجـر الايـام يذهبـهـا
بحسنـاك وبفضلـك لافضلـي ولاحسنـاي=توقـف اخـذ جملـه مـن الشعـر رتبهـا
ترى انت الهدف في كل شعري وفي معنـاي=بيـوت الـغـزل لــولاك والله مااكتبـهـا
تكلم ضمير الحـب ينـدب بصـوت النـاي=ولازلـت اصـدق فيـه نفسـي واكذبـهـا
يعيـدٍ قريـبٍ راح مقفـي وعـود جــاي=يلاعب جنـون العقـل مـن شـان يطربهـا
فهـل يعلـم انـه داي والشعـر فيـه ادواي=وهـل يعلـم ان بيـوت شعـري تخاطبهـا
فـان كـان يعلـم فانـي اشهـدك يامـولاي=علـى مـن تجرعـت العنـا مـن سبايبهـا
وان كـان لايعلـم ولاحـس فـي شكـواي=فهـاذي مـن دروس الحـيـاة وتجاربـهـا