ملتقى قبيلة حرب الرسمي - ((صهيل الحرف))..

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - ((صهيل الحرف)).. (http://www.m-harb.net/vb/showthread.php?t=16724)

((صهيل الحرف))..

احبتي..
أضع هذه المتواضعه بين أيديكم.. وأتمنى أن تنال استحسان ذائقتكم
..
..

يذوب الشمعدان ليا ظهرت وينتشي عصفور= ويعشوشب على شانك جميع اللي تمس يديك
ويفوح الورد من روعة شذاك وتحتضنك زهور= وتخلف لجلك القمرا هوى الساري وتسري فيك
وذي دلة هواك تفوح داخل خافقي وتفور= تعال اقلط وخذ فنجال عشقي ودي اقهويك
تعال وخلني شمعة خلاك بوحشة الديجور= وأنا بضوي واولّع لك قصايد كلها تغليك
تصدق! كل زفراتي تزاحم ماتبي طابور= تبي تسبق بعضها وارهقت يادنيتي مغليك
تعال وخلّها وضح القصايد في هواك تثور= وصهيل الحرف ماهوّد يبي يكتبك ويناجيك
أببحر بك بغبة شعري المجنون والمأسور=وابغرق بك وابنجى بك وابتحداك واستجديك
حبيبي يابعد كل الصبايا والهوى المنثور= ياترنيمة خفوق اللي يبيع العالم ويشريك
يا أجمل من سقى عوج الحنايا بعد ذيك البُـــور= بعد ما ارويتني ودّي سنابل شوقي تغذّيك
يا أروع من رقص قلبي معه عقب الكدر والجور=على اقصر ضلع زريابه سجع من شوقه يغنيك
يا أصدق من رفع همّــة وعزم التايه المكسور= عساني ماعدمك وياعسى الله يا الغلا يبقيك
وانا واللي خلقك وميزك عن جمع كل الحور= لو أقدم لك الروح العزيزه ما اعتقد توفيك
ومثل ما هالبسيطه حول خد الشمس دوم تدور= تراك انته مجالي يوم ادور بعالمك وارجيك

صح لسانك وعلا شانك

بيض الله وجهك على القصيدة الرائعه

ارحب تراحيب المطر والله يحييك

صح لسانك وسلم فكرك

رايعه بروعة حضورك

لاخــلا ولاعـــدم

لك فائق احترامي وتقديري

حضور راقي ومصافحه رائعه
قصيدة كلها عذوبه وجزاله
تدل على جزالة قائلها

تحياتي

صح الله لسانك وبيض الله وجهك

جزل لا عدمتك

تحياتي

اخوك

اقتباس:

المشاركة الأصلية كتبت بواسطة محمد الفارس (المشاركة 161757)

احبتي..
أضع هذه المتواضعه بين أيديكم.. وأتمنى أن تنال استحسان ذائقتكم
..
..

قصيدة جميلة

صح لسانك

وسلم بنانك

أخوك

صح الله لسااانك وقلبك

مبدع لله درك

دمت بوود

الله يـعـطـيـك الـعـافيـــــــــــة على القصيده وصح لسانك مليون
بيض الله وجهك

صح لسانك وسلم بنانك

قصيدة رائعه بروعة حضورك

لك تقديري