اقلط على حلو النباء وكسر الحوم
 

البارحه جاني مقدر ومحشوم
صديق صادقته محبه ونوماس

ليه معه رفقه وانا اطيح واقوم
يجري مجاري دم قلبي والانفاس

يقول من شاني شريحه من القوم
عادوك مايبغون ذكرك مع الناس

وصبحت مابين الفريقين متهوم
انا السبب وانته حياوي وحساس

قلت انت منجا لاهبا كل مذموم
يزعل حضورك بالزمن كل هلاس

اقلط على حلو النبا وكسر الحوم
خذ بالفضا ياطيب الفال مرواس

دايم على من ينكرك تقل جاثوم
يكره حضورك يوم الارياق يباس

صح لسانك ابو تركي
ابداع يتجدد وجزالة دائمة
وحروف تتلألأ بالصدق والوفاء ومكارم الاخلاق

يجري مجاري دم قلبي والانفاس

الله الله ياأبوتركي

صح لسانك مدد بلا عدد

هذا الوفاء حفظك الله

طبت وطابت أيامك

صح بدنك وماعليك زود وشهاده اعتز فيها

الله يحفضك من كل سو تحياتي وتقديري