رأس الفخر ...............
 

....... ◾رأس الفخر ◾.....


قصيدتي
في حفل الشيخ مخضور بن عبد اللطيف الذروي الحربي

.........

ياسلام الله سلام ما يبيد
مثل نور الدين ساطع مستقر

مغنيات الحرف في سبك القصيد
المعاني يوم تلقح بالفكر

مثل زين النوق في عين المريد
يقتنيها لو غلت بأيت سعر

قصده الناموس والمجد التليد
من شرا بسوق الغلا به ما خسر

جبتها وضح من الراس الوليد
من هجوس تروي السامع شعر

عند شيخ فالمواقف ما يحيد
يشبهه ورقان فثبوت وكبر

قمة فالمجد والراي الرشيد
الكرم مخضور من كفه زهر

دلته لضيف موقدها وقيد
مقري الضيفان من شحم الظهر

والبشاشة في محياه السعيد
الكرم معناه في زين البشِر

ورث أبوه اللي على الطالة عقيد
العلم عبد اللطيف المعتبر

مثل حر فالسما دايم يزيد
صيد مخلابة من سمان الخصر

وهذي الليلة تشادي ليل عيد
ليلة من طيبها ليلة بدر

كنها بعبد اللطيف أضحت تشيد
باركت له مثل من هو له حضر

ألف مبروك الفرح قلته نشيد
جاب لحنه حس صادق به سحر

تطرب أنغامه و تسرح به بعيد
من قراره والعرب مال الشجر

أنت يا عبد اللطيف اسمك مجيد
ربعك الشامة على راس الفخر

الذرا اسم ومسمى له رصيد
في بنوك العز بجنيه الظفر

اعطو التاريخ منهاج فريد
فالمروة والكرامة والسطر

يأسرون الخصم فاليوم العنيد
ويجعلونه ضيف ما يلقى كدر

لين طلابه يغلق ما يريد
ثم يطلق لهله فعز و قدر

ويكسرون القوم فاليوم الشهيد
يوم صاح الصايح فيوم عسر

ألحقوهم فوق ضمر ما تهيد
قالعدد ستين ذروي مقتدر

عنكب البارود واصطك الحديد
واستردوا الذود والصايل كسر

أنشدوا دوران بالعلم الأكيد
في حديث الوقت للعاقل عبر

غيض من فيض ذكرته فالقصيد
والله لولا الوقت ما جف الحبر

في منقاب حرب أكتب بالوريد
والقلم ضلعي وقلبي له سطر

〰️〰️〰️◾〰️〰️〰️

صح الله لسانك
ولاهنت