يلوموني ليه ما أوزن قصيدي
 

أنا دوم اخربش اكتب نص شعري
ما اقدر اقول قصيده لاني اعرف القصيده لها مقومات و واهم مقوماتها الوزن
اصدقائي الي حريصين على اني اكتب شي موزون
يلومون ليه ما اتعلم بحور الشعر والوزن البياتي
طلعت ببالي هالابيات وكتبها


يلوموني ليه ما الوزن. ... قصيدي
وليه ابياتي على الدوم... مكسره

ياخلق هاذ الشعر يسري.. بوريدي
احيان يلملمني واحيان.... ابعثره

وانشده احيان ويحلالي.. نشيدي
بس ماقدر باحتراف ....... اسطره

يوم اكتبه موزون ذا اليوم ..عيدي
وافرح كني عبله التقت...... عنتره

اكتب وامحي وارجع أكرر واعيدي
بودي أنظم مثل ذيك.......الجمهره

وافرد أوراقي ويبقى فكري شريدي
ويجافيني نومي وليلي...... اسهره

واحاول لكن يبقى حرفي .. عنيدي
ويوم اتعب اعتب عالقلم...واكسره
بقلمي
سحر المساء

اتمنى تنال اعجابكم وترتقي لمستوى مشاركاتكم

الحب الباقي
صح بدنك ملايين
ويااالف هلا وغلا
كن بالقرب دوما
لاخلا ولاعدم

صح لسانك واعتلاشانك
ياسلام ياسلام
ماليون ع الابداع الرائع
تقديري واحترامي

ياااهلا وغلا
وحيالله ابن عباس
الروعه هي مرورك
الذي اكرمتني به
كن بالقرب دوما
لاخلا ولاعدم

صح لسانك ابداع
يقال من اراد ان يعرف القصيدة موزونة ام لا
يغنيها
لان الغناء يوضح الكسر في الوزن