الوقت عميان البصاير فرضهم
 

‏الوقت عميان البصاير فرضهم
‏على منصات الفضاء والتويتر

‏يامكثر النقاد لكن بعضهم
‏ما يفرق الشهلول من ماءالاديتر

‏اقفيت عن بعض العباد ومرضهم
‏وحطيت الابتر دونهم والابيتر

‏ماني مجادلهم ولا معترضهم
‏ولا ابيع بالبشت الحساوي سويتر

‏سلمان الحويفي
@@@@@@@@@@@@
قبل التواصل ليت ربي قرضهم
اللي حناجرهم تقل كلبليتر

لاجيت تنصحهم كلامك غمضهم
اللي هتر من ساس واللي تهيتر

يابو بدر تطبيلهم مانهضهم
لقيت عنهم لايحه بالدفيتر

يعيش مثلك بالحقايق نفضهم
لو من زعل حبران يزعل حبيتر
سعد المحمدي
__________________
المشكلة في عارف ٍ مارفضهم @
يستر على خملاتهم ويتسيتر &

لو هو من اول ما تجرّوا دحضهم @
خلى مع الفاتر يموت الفويتر &

لكن مدحهم لين نالوا غرضهم @
توخر الموتر وفاز المويتر &

وعشّاقة الطيّب على الله عوضهم @
عقب الجمل طب القعود الأغيتر &

صالح المحمدي

صحت السنتكم
الله يعطيكم العافية

صحت ألسنتكم ثلاث قصايدجميله
بيض الله وجيهكم جميع

صحت السنتكم

دمتم ودام شعركم وبوحكم