تبقى بميزان الحقايق خفيفه
 

يمين لاعديت واحد وعشرين
بين الشعيب وبين عيطاء منيفه

عن المضيف اللي جداره من الطين
على ثغور الدار ليه وظيفه

النفس عن بعض البشر والدواوين
مهما حصل بالوقت حره عفيفه

حصان وابن حصان ماضي وهالحين
شريف واحب العلوم الشريفه

اليا تناسوني ضعوف ومساكين
اذكر عليهم بالامور المخيفه

الهرجه اللي ماعليها مضامين
تبقى بميزان الحقايق خفيفه

يكفي عن التفصيل بعض العناوين
وبعض الامور العين عنها كفيفه

صح السانك اخي سعد قصيده رايعه
جدا وبهاعبارت مفيده ولهامعاني دقيه

شهاده اعتز فيها يابن العم

صح بدنك شهاد اعتز فيها

صح بدنك وعتلا شانك

كفو يا ابو تركي
ماشاء الله تبارك الله كل بيت حكمة
صح لسانك وسلم فكرك وبنانك