|
ولع الفتيل واقدح يالزنادي؟٠٠٠٠٠٠٠٠٠٠
ولع الفتيل واقدح يالزنادي
مابها دون الوطن يمنى ويسرا الرخم ياقف على موقف حيادي والبطل يصدح بصوته ويتبرا ياصهيل الخيل نادي للمنادي ولعت مافيه بعدين ن وبكرا كل شئ الا رموزك يابلادي دونهم يطيح روم وملك كسرا من بغى لشر يبشر بالهجادي كل سهم ن دونها ريش ويبرا مع رماح الحرف يضرب بالفوادي اي نعم ناخذ بثار الثار قسرا واي نعم نضرب على رق الثنادي وش وراكم مابقي به سطر يقرا ياعيال بليس ياساس الفسادي ذا ولي لعهد مقام ن وقدرا في عيون الشعب ماله من يشادي حاكم ن حكمه على شعبه يسرا بنهضةن عمة مدنها والبوادي منهم انتم ؟منهو الي عليه يتجرا؟ تحلمون ورأيكم ضايع وغادي دونه الشعب العظيم الي مجرا اسالو حرب االوديعه والجهادي السعودي لاوقف ميقاف حرا قد عرفنا فعلهم يوم التنادي لبغوهاخير خيرولبغوها شر شرا |
صح الله لسانك ولاهنتي وسلم فكرك وبنانك دمتي برعاية الله وحفظة |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح الله ابدانكم جميعاً
|
ياصهيل الخيل نادي للمنادي ولعت مافيه بعدين ن وبكرا صح لسانك بلا عدد قمة الابداع والروعه |
اقتباس:
|
الكحيله
صح لساااااانك الوطن وولات امرنا نفداهم بكل مانملك |
صح السانك يالكحيلة
مبدعة متميزة |
السلام عليكم ورحمة الله وبركاته سلمتي ودمتي أختي الشاعرة الكحيلة على القصيده. . . جزله ورائعه وصح لسانك على المقطوفه الجميلة أخوك ابوساره |
صح الله السانك
قصيدة عانقة السماء بجزالتها وأبداعها تحياتي لكي |
الساعة الآن 05:58 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir