( أغـــــــانــــــي طـــــلالـــــــيّـــــــه )
 

ابغيب لي كم يوم وارجع بعد كم يوم
ولا تحسب دوافع غيبتي من كراهيّه
حدتني ظروف ولاهي ملازمتني دوم
وترى الشّين مايُذكر لافيكم ولا فيّه
سعِدنا على بحرك قبل نُمنع من العوم
جبرنا على ذلك ظروف إظطراريّه
تطمّن وخل العين تهنى بِلذْ النّوم
سهرها يضرّك والكلام بشفافيّه
لقانا يبا يحصل وتنسى الزّعل واللوم
تعيش بفرح قربي وتفخر علانيّه
شعور الفرح بالعيد من بعد شهر الصّوم
ثيابك جِداد وميزتك غير عاديّه
ملابس تنّقاها بقيمه ثمينة سوم
جمالك بها زايد ياذوق الجماليّه
رزقك الله بعاشق وروحك وروحه توم
عيونك تشيله ياحلاة الرّفاهيّه
وشموعك تضوّي لن حظرلك عقيد القوم
في ليله بها تسمع أغاني طلاليّه


الشّاعر/ خالد بن عبيد بن معتوق الأحمدي

صح السانك واعتلا شانك
ابداع وتميز