( من ذحين اوبعَدْ البَسَ ملابس ثقيله )
 

ثاني الوسم بادي يتّضح في سماه
من ذحين اوبعَدْ البَسَ ملابس ثقيله
غطّي أطراف جِسمك لايضرّك هواه
لنّه البرد له موجات ماهي عليله
وانت ناعم مُترّف مهتني في حِماه
ماتحمّل هبوب البرد بعد المخيله
صُك شُبّاك دارك واستكِن في ذراه
من هبوب الشّتا فالعظم تحدُث مليله
قلت لك ناصح أرجو أن تطيع الوصاه
والنّصيحه من أهل العرف تُحسب جميله
كان جاك الشّتا وإن السّما هل ماه
أحرِص إنك تدرّك عنه بيّة وسيله

الشّاعر/ خالد بن عبيد بن معتوق الأحمدي

صح السانك قصيده جزله
ومعبره يعطيك العافيه

صح لسانك


قصيده جزله


تحيتي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك