( عصير المشكّل ليه سمّوه كوكتيل )
 

عصير المشكّل ليه سمّوه كوكتيل
يضنون هرج الغرب يعني حضاره
وقياساً على ذلك عِبارات كاالسّيل
لها ألفاظ غربيّه وبالشّرق تاره
عرفنا معانيهم ولا زادت الكيل
وتحاريف لهجتنا ماتُحسب شطاره
لُغتنا لرجعتها نبي شَدّة الحيل
وتكاتف ويظهر فيه قو المهاره
لأنه بظلمتها بدأ يطول الليل
عليها جدار أجدر نكسّر حِصاره
فخرنا عروبتنا هل السّيف بالويل
وفصاحه وزود الفهم حِفظ العِباره
لسان ألأعاجم لايغير هل الخيل
حذاري له التّأثير يجني ثماره
ترى اللي نفاخر فيه يحسب لنا ميل
خساره على تاريخ ألأمّه خساره

الشّاعر/ خالد بن عبيد بن معتوق الأحمدي

جميل افتخار الانسان بنفسه ووطنه ولغته
وقبل هذا وذاك بدينه
صح السانك يا أبن معتوق
تختار لقصائدك المواضيع الاجتماعية الهادفة

القدير / حسين
تسلم وتشكر
على ماذكرت
في مرورك العطِر

صح الله السانك


قصيدة عانقة السماء بجزالتها وأبداعها

تحياتي لك