ملتقى قبيلة حرب الرسمي - ( عساي ماازعجتك وصحّيتك من النّوم )

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - ( عساي ماازعجتك وصحّيتك من النّوم ) (http://www.m-harb.net/vb/showthread.php?t=157082)

( عساي ماازعجتك وصحّيتك من النّوم )

عساي ماازعجتك وصحّيتك من النّوم
أخطيت بالتّوقيت في وقت أتصالي
مير العفو منّك رجا ياسيد القوم
دام العُذُر مرسول من غالي لغالي
وبعض المحبّه تدفع الإنسان للوم
لوهو رزين العقل له مبدأ مثالي
وانته جديد فبحرها تتعلّم العوم
والبحر له غُبّه وفيه الموج عالي
وغلاك مثل السّاعه اللي تنهي الصّوم
لحظاتها من حلوها تطعِمك حالي
أسعى على مشرا غلاك بفارق السّوم
لوكان كلّفني غلاكم كُلّ مالي
وماقصدي إزعاجك بما عكّر لك النّوم
صوتك يريّح خاطري وقت أتصالي
وابليس في جو الصّفا لايكثر الحوم
اللي على بالك ترى ماهي في بالي

الشّاعر / خالد بن عبيد بن معتوق الأحمدي

صح السانك
انتاج غزير وابداع كثير
ماشاء الله وتبارك الله العلي القدير

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

القدير / حسين
اشكرك على المرور العطر
والإشاده الجميله