يقول ابن عابد
 

10 / 8 / 1441هـ الموافق 3 / 4 / 2020 م

يقول ابن عابد دسيم السبالي
من بعد عدا الامس في نايف الحيد

وابحر مع الهاجوس شرق وشمالي
وساعات مرّت وانتهت رحلة الصيد

للي بعيد القول واللي موالي
لاحفاد ابن غانم ولاحفاد ابو زيد

مالي شغل بالناس انا لحالي
وماني مكلف اتبع لزيد وعبيد

مسؤول عن نفسي وجملة عيالي
ولا فذمتي للغير شرط ولاقيد

قررت اعلن للجميع اعتزالي
قدام وقتي يحط فيديني القيد

يشهد على ماقول رب الجلالي
ويشهد على قولي هل خليص وقديد

غلطان من يامن صدوف الليالي
دنيا غروره طبعها تعكس السيد

تسقيك مر وتسقي الغير حالي
ومادام صدت عنك لاتنتظر فيد

عندك ريال اليوم تسوى ريالي
خلاص ولا عهد عنتر وابو زيد

الكل عايش بين فَيْ وظلالي
والاسم والعنوان في دفتر القيد

قول السديري فالليال الخوالي
فيه العضه لحمود ولحمد وحميد

لا خاب ضنك فالرفيق الموالي
مالك مشاريه ن على رشود ورشيد

حسن عابد الفارسي

قصيده رايعه جد
وفي غايت الروعه

كفو وصح السانك
ممنوع من الاعتزال لان ذلك يحرمنا من جمال الابداع في القصيد