ملتقى قبيلة حرب الرسمي - سلام لك يالبنت يا للمعية

السلام عليكم ورحمة الله هذه مجاراة بين شاعرين
البدع مني انا محمد والرد من اخي الشاعر حسن ,
ولا مانع من ابداء ملاحظة من زملائي الشعراء
حول القصيدتين فأنا امون عليه :

البدع
ســلام لك يــا البنت يا للمعــيـه
اعداد من لبا ومن بالحرم طاف
و عدة جنـود الحرب فالعالميـه
يومن هتـلر شبهــا ما بعد خاف
و عداد رمي الهـوك و المدفعيــة
حتى تشرشل منزله صار منحاف
بايــن عليــك مثقفــه جــامعيــه
منتــي متينــه ما يلــه لـنحــاف
لنتــي كبيــرة سـن باقـي فتيــه
ياليتلي من حولكم فرش و لحاف
بنتـن عن التعريـف عنهـا غنيــه
اتقوم بالواجب وهـذا الذي انشاف
تحـقيـن حـرف الـدال و لأفضليه
متعلمـه فالطب ما عنـدك اخـلاف
مـنتـي مـن الحضـران يـا قرويـه
وهل القرى تاريخ من عهد لسلاف
يـحـجـب عليـك الله رب البريـــه
يا ساكنـه بالقلـب ماهي بالـطراف
شوف النظـر خلى حياتـي شقـيـه
منهـو يحاكملي عيوني بالنصـاف
و استغـفر الله كــل مـا قلت سيــه
هذا النظر حول البشر دوم لفـاف
وصلو على اللي دعوته بعد حيـه
عمّت على ذا الكون من غير حراف
...............................
الرد
يــالله يا للي معتــلي في سميــه
تعينني و ارد على القـاف بالقــاف
و اجـــاوب اللي قافياتــه قويـــه
زبن الدخيل و في المهمات ينشاف
يحسب من ارجال الوفا و الحميه
م ينقــل النمــه و لا هو بخـواف
نـعده من اصحاب القلوب النقيــه
غير المحبه والصله ما له اهداف
ريته من اصحاب العقول الذكيــه
و المشكلات يحلها بعدل و انصاف
من يــوم حــل الديــره الألمعيــه
يبني بيوت كنهــا صف صــراف
يصرف ذهب و احيان فضه نقيـه
من خزنتها ماهو يدور لها اسلاف
يابــو علي يـوم انت ترسل عليــه
توصف نحيل الخصر بالعين هداف
ادعج غنج مجمول جـال الثنيــه
يسلب عقول الناس لاهز لرداف
وصفك دقيق و صــار له قابليـه
واللي سمع ماهو مثيل الذي شاف
و ان كان لك في كامل الوصف نيه
حنا معك في كل محضر و ميقاف
يقول بن صحفــان واجب عليـــه
آقف معك من شان تحقيق الاهداف