ترى الشّجاعه عكس مايفهم البعض
 

كِثِر في هذا الوقت خلط المفاهيم
سواء كان بمكر او طيب نيّه
وبغيت اوضّح سِر مفهوم خاطي
وانهي جِدال يطول حول القضيّه
ترى الشّجاعه عكس مايفهم البعض
ماهي برفع الصّوت والعنجهيّه
كلمه وموقف مايجي بينهم فرق
وغيره وفزعه وصِدق وحميّه
وحفظ لعهود ولين ومواجه بحقّ
وتطبيق مبدا لو صِعِب في مُضيّه
ومنازل الأخصام في ماد حامي
وعدَمْ تولّي يوم الإعدا قويّه
وجُود وتسامُح وإحترام وتواضع
وطِيب أعتدال ونهج ضِدّ الاذيّه
وقلبٍ يلوّم صاحبه لين يقَدّم
الإعتذار إن جات مِنه الخَطيّه
كِذا الشّجاعه مايجي شَكّ فيها
شرَحَت مَعناها بصوره جليّه
نِظامها مايقبل الغَدُر والذُل
واللي سوى هذي ترى بلطجيّه

الشّاعر / خالد بن عبيد بن معتوق الأحمدي

الحُب الباقي
اشكرك وصح بدنك