ملتقى قبيلة حرب الرسمي - فرحة العيد في دار سلمان

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - فرحة العيد في دار سلمان (http://www.m-harb.net/vb/showthread.php?t=156124)

فرحة العيد في دار سلمان

الله يعيد العيد في عز و أمان
في ديرة اهل الطيبه والجزالي

ديرة هل العوجا طويلين الايمان
ما دام حاكمها زحول الرجالي

بانت فعايلهم على كل ميدان
سطر بها التاريخ اول و تالي

الله يعز الدار في حكم سلمان
ما دامه مثله مرتكي للثقالي

انشهد انه بالفخر طير حوران
راع الحزم و العزم رمز العدالي

ويمينه محمد على العز برهان
ولي عهده بالوفا دام عالي

من هيبته بالعز مرفوع له شان
شانه عظيم في محكمات الفعالي

من السطر ما حسبو لـ آي عدوان
الشعب معهم في صدوق المثالي

كل عام و هم بخير في جزل الالحان
الله يعيده بالفرح فالمقالي

ونجدد البيعه على كل ما كان
الله يحفظهم مديد الليالي

والله يعيد العيد في عز و أمان
في ديرة اهل الطيبه والجزالي

الشاعر// بـدر مـنـور مـطـلـق الحـداري//

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

اللهم ااامين
صح لسانك لاهنت
الله يحفظ وطنا وحكامه ويديم علينا نعمة التوحيد والأمن والأمان

صح لسانك

وبيض الله وجهك على القصيدة الرائعة

دمت مبدعاً ومتألقاً

صح الله لسانك
ولاهنت
وسلم فكرك وبنانك
دمت برعاية الله وحفظة