ملتقى قبيلة حرب الرسمي - للبيت باب وجانب الباب شباك

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - للبيت باب وجانب الباب شباك (http://www.m-harb.net/vb/showthread.php?t=155719)

سعد المحمدي

28-04-18 02:21 AM

للبيت باب وجانب الباب شباك

ان كان تنشدني عن عيال براك

اشهد شهادة حق نعم العيالي

لا حدك الوقت القساوي على اقصاك

محزم ليابان الخلل بالموالي

صافين مافيهم منافق ونماك

يابعدهم عن الردى والهزالي

صغيرهم عنده مفاهيم ودراك

وكبيرهم شامخ شموخ الجبالي

وسوالك الثاني عسى الرب يرعاك

دوك الجواب المختصر والمثالي

للبيت باب وجانب الباب شباك

ماهن سوا لو في الاشجار مالي

واليا تساوت في نظر ذاك مع ذاك

شوحي سما ماني قريب مدالي

ابوهليل

28-04-18 03:02 PM

صح لساااانك يابوتركي
جزل جزل ولايستغرب

والنعم بعيال براك

فهد ابن غانم

08-05-18 07:08 AM

صح الله لسانك
ولاهنت
وسلم فكرك وبنانك
دمت برعاية الله وحفظة

الحب الباقي

09-05-18 05:12 AM

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الآسيــــــر

13-05-18 01:19 PM

صح لسانك على الكلام الجميل

سعد المحمدي

20-05-18 10:56 PM

صح الله ابدانكم الجميع

نجم حـرب

22-05-18 03:55 AM

صح لسانك ال١٠٠٠ /

تحياتي لمقام سموكم الكريم :

سعد المحمدي

23-05-18 11:42 PM

اقتباس:

المشاركة الأصلية كتبت بواسطة نجم حـرب (المشاركة 1458123)

صح لسانك ال١٠٠٠ /

تحياتي لمقام سموكم الكريم :

صح بدنك وبيض الله وجهك

الساعة الآن 07:43 PM

Ads Management Version 3.0.1 by Saeed Al-Atwi