هرج السعه / بقلمي
 

هرج السعه يصبح علينا صغيري
نذبح ونصلخ واضخم القصر نبنيه

كلٍ يقول الحل عندي يصيري
آصل بعيد الدار والغالي اشريه

وهرج الفعل يصبح علينا كبيري
ياقل من حل الصواعيب بيديه

فعل الرجل يظهر بيومٍ عسيري
لامن نخيته قام والدين يقضيه

والا ردي العرف مافيه خيري
رداه عن فعل النواميس حاديه

اللي على عمياه هرجه كثيري
لابد مالايام تظهر خوافيه

الحر حر وفوق دايم يطيري
وقالوا اللي مايعرف الصقر يشويه

مع تحيات نجم حرب
نايف عبدالله السليمي

الشاع الجزل نجم حرب

صح لسااانك ملاااين

صح بدنك لاهنت /

تحياتي لمقام سموكم الكريم :

نجم حرب صح لسانك وسلم منطوقك ملايين
شاعر ومصنع للشعر الجزل

لاهنت وصح بدنك وماعليك زود /

تحياتي لمقام سموكم الكريم :

صح بدنك وماعليك زود ووجهك ابيض ولاهنت /

تحياتي لمقام سموكم الكريم :