ياسعود / بقلمي
 

ياسعود انا ياخوك عندي سوالف
بس الحقيقه كلها اشروط وابنود

كانك تبيها سو معي تحالف
تحالفٍ مافيه ضباط واجنود

ماعندنا ياغير طيب وتعارف
مع النشامى لي مواثيق واعهود

منها على الترجيح ود وتآلف
وكلٍ على عده مصاديره اورود

عندي نصيحه بس لاتقول عارف
خذ الصحيح وباقي الهرج مردود

لاصرت في مجلس ارجالٍ عوارف
لاتاكل المجلس عن الغير ياسعود

اوصيك انا سعود لاتصير جالف
خل المجال وكثرت الهرج منقود

قطع السوالف بالمجالس امخالف
ترى العوارف تعرف النقص والزود

نجم حرب
نايف عبدالله السليمي

وجهك ابيض وصح بدنك وماعليك زود /

تحياتي لك :

صح بدنك ولاهنت /

تحياتي لمقام سموكم الكريم :