برج التجاره
 

يابرج التجاره بعد رفع الحصانه عنك
نظامك برفع الفايده يزعل التجار
زباينك عام العام تعطي وتاخذ منك
واشوف السنه هاذي بها وعي واستكبار
تعامل براس المال حسب الطلب واذهنك
تبيع الرخيص بداخل السوق بالدولار
ترى العمله الصعبه لها بالمدينه بنك
بها ترجح الكفه وخلف الجدار اجدار
ياراع الذهيب اللي عرفنا بها معدنك
تحريت عنك وجبت من صادق الاخبار
انا من وفايه بالزمن مانويت اطعنك
اقدرك وانت العكس يالثعلب المكار
سقى الله عام الفين يوم العرب تامنك
قبل ماتحاول غدرها تالي المشوار
بنيت العماره من جريد النخل والزنك
عسى بالجريد القابله ماتشب النار
ترى من قتلك بطلقة الحق مايدفنك
بيومن ماتنفع فيه توبه ولا استغفار

صح لسااااانك






تقديري

صح بدنك وسلمت ودمت

صح لسااااانك يابوتركي

صح الله ابدانكم الجميع

ترى العمله الصعبه لها بالمدينه بنك
بها ترجح الكفه وخلف الجدار اجدار

ياسلام يابو تركي
مبنى ومعنى لا يدركه الا العقلاء
لا فُض فوك

لاهنت وصح السانك

تقبل التقدير والاحترام

وفقك الله