|
الكبد يصلاها من الحزن صالي
السلام عليكم ورحمة الله وبركاته
انتقل الى جوار ربه المرحوم باذن الله سعود غنيم السليمي ( ابو فهد) يوم الخميس الموافق ١٤٣٨/٨/٨ نبذه عن سيرته عرف بالدين والاخلاق النبيله والكرم الحقيقي وحسن الجوار والخوه جمع بين الصفات الحميده معروف ومقدر عند الجميع من حرب والقبايل الاخرى دايم حريص على التلاحم وصلة الرحم مجلسه دايم مفتوح للجار والمسير الله يرحمه ويجعل قبره روض من رياض الجنه ************************ مالوم عيني يوم تبكي على سعود لو ان دمع العين بالحيل غالي مرحوم ياللي كل مافيه محمود انشهد انه من زحول الرجالي ان قلت راعي جود من منبع الجود وان قلت راعي دين مابه جدالي يالله يامعبود ياخير معبود تغفر ذنوبه ياعظيم الجلالي وتثبته لاغادرت قبره اوفود في ساعتن يسمع قريع النعالي يبطي عليه القلب ضايق وملهود عن راعي الجزلات ماهو بسالي عندي يقين انه مع الوقت مايعود ياما غدت بااحباب سود الليالي ان جيت اسلي خاطري وقت محدود له صورتن ماتنمسح من خيالي بيني وبين الهم حاوي ومردود والكبد يصلاها من الحزن صالي |
احسن الله عزاك يابوتركي
الله يغفر له ويرحمه ويسكنه فسيح جناته ويلهم اهله وذويه الصبر والسلوان انا لله وانا اليه راجعون |
الله يغفر له وموغريب الوفا من حربي
الله يغفر له ويرحمه ويسكنه فسيح جناته ويجعل قبره روض من رياض الجنة ويلهم اهله الصبر والسلوان عظم الله اجركم |
اقتباس:
|
اقتباس:
|
الله يغفر له ويرحمه ويسكنه فسيح جناته صح لساانكـ بيض الله وجهك |
رد
أخي وعزيزي أبو تركي سعد المحمدي أحسن الله عزاكم فيه عسى الله يرحمه ويغفر له ويتجاوز عنه ويحسن مثواه صاحب هذه الصفات النبيله وصح لسااااانك على هذه المرثيه تقبل تحياااااتي وتقديري |
اقتباس:
|
اقتباس:
صح بدنك والله يرحم ابو فهد رحمه واسعه |
صح الله لسانك ولاهنت وسلم فكرك وبنانك دمت برعاية الله وحفظة |
الساعة الآن 10:27 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir