فرق الرجل عن الرجل واجباته
 

من لادرك الطولات باول حياته

لاشاب شرهاته على فعل يمناه

اليا تساوى مع حياته مماته

الناس ماتبغى قباله ولاماه

فرق الرجل عن الرجل واجباته

والدين والاخلاق وعفاك وعفاه

ادري بوقتن زايده معضلاته

احيان ماياتي على كل مشهاه

ياكم فيه من البشر منهكاته

عوب الظروف اللي تبيح خفاياه

مير الرجل بعد النظر من صفاته

عن الردى يبعد مساره بدنياه

في مقتبل عمر الفتى كان فاته

الطيب ومرافق هل العرف والجاه

قلت منافيعه وقلت حلاته

من شاف زوله يالمناعير هباه

صح بدنك يابن العم

صح بدنك يابو هليل
وماعليك زود
ساعر وناقد

قصيدة جزله صح لسانك يالغالي

صح بدنك ومن ذوقك

خيال شاعر ثري بالاقتباسات الشعرية النيرة

صح لسانك ويسلم فكرك

في مقتبل عمر الـــــفتى كـان فاته
الطيب ومرافق هل العرف والجاه
قلـــت منــافيعه وقلـــت حــــلاتــه
مـــن شـــاف زوله يالمنعير هــباه

ابيات خالدة لاغرابة
والشطر الأخير
يصحي من بقي فيه شي من العقل
صح الله السانك
مراقبنا وشاعرنا الكبير
المحمدي سعد

رد