|
][®][^][®][يوميات متقاعد ؟!][®][^][®][
السلام عليكم ورحمة الله وبركاته الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين اليوم جايب لكم جدول أعمال بعض أخوانا المتقاعدين ؟! :eek: بس تراء ماهوب كلهم كذا ؟! المهم الله يكون في عونهم ؟! وقت النوم .... يادافع البلاء مايعرفون للنوم طعم ؟! ولأن البواجي و البليتين يمكن بعضهم ماهوب على مايرام تلقاهم مغير لف و دوران في النت ؟! وتاركين أم العيال مغير تبطح و تسدح ؟! :0746: هذا لو كانوا متعلمين شوي في أمور العولمه و التقنيه ... وعندهم مؤهلات ؟! وبعدين تلقاهم ماشاء الله ممن يكبرون المخده من بعد روحت الورعان للمدارس إلين قبل صلاة الظهر ؟! وأهم شي عندهم القايله ؟! ماتلقاهم يحومون أو يدوجون ؟! لأنهم أخذوا كفايتهم من ذلك أيام زمان ؟! خخخخخخخ والله زمان يافن ؟! على أي حال هل أنتم معي بأنه يجب أن نطلق عليهم ؟! من ذوي الإحتياجات الخاصه ؟! :0756: تحياتي و مودتي |
اخوي ولد حرب أضحك الله سنك :) و مثل ما يقولون لكل مرحله بالعمر لها حلاوتها اما ذوي إلإحتياجات الخاصه فأعتقد هالشي يعتمد على مدى إرادة و عزيمة الإنسان لأن التقاعد لا يعني نهاية الحياه يعني الواحد يحاول يشغل نفسه بشي يستفيد منه في دينه و دنياه و يبدع في مجال معين يستفيد و يفيد منه . |
والله المتقاعد يحتاج إلى عنايه خاصه
يعني من بعد ماكان يطلع للدوام و له نظام معين يصير شبه وحداني و نظامه يتلخبط >> الأغلبيه كذا و الله أعلم فهو يحتاج عياله و اهله يكونون جنبه يسولفون معه و يونسونه و يحالون يشغلونه بشي مفيد له . |
عندي حل للمتقاعدين
وهو أن يشغل نفسه يأي شئ مفيد يعني يذهب لسوق الخضار أو أسواق المواشي فهذه الاسواق و الله يا أخوان فيها خير كثير حدثني أحد الاخوان المتقاعدين : يقول عندما وصلت لسن التقاعد خفت و قامت تنتابني الهموم من الفقر و الجوع و ووووو 000الخ0 و بعد التقاعد ذهب إلى سوق المواشي فبدأ يشتري و يبيع 000 و الآن ماشاء الله عليه يحلف بالله العظيم أن يوميته لاتقل عن 150 ريااااااااااااااال و عند ما يرجع للبيت وده بالقهوة و الفطووووووور ثم يحط رأسه إلى صلاة الظهر و يذهب يجيب عياله من المدرسه ،،، فيقووووول و لله الحمد مرتااااااح و مبسوووووط مع أولاده0 |
اقتباس:
من كاتبة قيمة في مواضيعها و ردودها الله يعطيك العافية تحياتي ومودتي |
اخي ولد حرب يجب تهيئة الموظف نفسيا لمرحلة مابعد التقاعد وخصوصا إذا كان من المخلصين لوظيفته لأن التقاعد اصبح صدمة قوية للكثير وربما أدى بهم إلى مشاكل نفسية والكل يعلم من القصص والمآسي لأحوال المتقاعدين بعد فقدانهم قيمتهم التي ربطوها بالوظيفة اعتقد لو تم عمل جمعية للمتقاعدين , وايضا مكان خاص بهم يجتمعون فيه لكان أفضل تحياتي لك ولد حرب |
اقتباس:
على هذه المداخله الطيبة ولكن قد لا تنطبق مسألة الوحدة و الفراع لمن يعيشون في القرى ؟! مجرد رأي ! تحياتي و مودتي |
هههههههههه
مشكووووووووووور ياولد حرب على طرحك المتميز دائما في مايخص مناقشة الحالات الاجتماعية. وأنا أنصح كل متقاعد يرجع لديرته ويشتغل بالزراعة , ولايحط له ذود من عطايا الله ولا غنم ولا اي شئ يتسلى فيه. وعلى طاري الإبل تذكرت بيت لعمي عطاالله الغيداني -أطال الله في عمره -
والله لولا الذود يوم أني أتليه=ليطلع علي من الأطباء تقارير
|
اقتباس:
و أعرف لك ناس ( عوفان ) حتى توصل طلب الذبيحه جاهزة مصلوخه و مشلوط راسها و كراعينها و هم يعدون من تجار الأغنام و عندهم ميزة إنك تكلمهم و تقول يابو فلان عندنا ضيف اليوم و نبي شي يبيض الوجه للغداء أو العشاء يعنى متخصصين في الهوم دليفري ؟! .... و الربايع ماشاء الله جاهزات لطبخ الذبيحه في المنزل يعني كذلك تعتبر هووووم ميد ! ودخلهم اليومي ( اللهم لا حسد ) الربح الصافي على الذبيحه الواحده يمكن 220 شامل الذبح و التوصيل ؟؟ و معدل الطلبات تزيد في نهاية الأسبوع يمكن لسبع أو يزيد ؟! ... ماشاء الله الله يرزقهم مشكور طال عمرك و سلمت الله يعافيك تحياتي و مودتي |
اقتباس:
بس فيه مشكلة و احدة فقط ؟! وهي أن التجمع ممنوع وخاصة لمن كانوا في وظائف مهمة ؟! أقووووول يمكن ممنوع ؟ الله يعافيك على المداخله القيمة تحياتي و مودتي |
الساعة الآن 08:32 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir