يا خادم البيتين يا السيف الشطير = يا اللي على نهج النبي المصطفا
من يودك لو على الرمضة يسير = الولاء هو ديدنه جهر وخفا
انت راع الجود والاسم الشهير = ماتمد اِيديك للشعب الهفا
والله إنا بخير دام انتَ بخير = لكن برد الوقت نَسانا الدفا
في بيوت البعض مايوجد حصير = وإن مِرض يصعب علاجه والشفا
اِجبرُوا عظم الشجيع اللي كسير = اللي من الآلام جفنه ما غفا
ياخادم البيتين واقعنا مرير = والفقر ذيب التفاهم والصفا
ساكن القرية غدا مثل الأسير = ماه قل ونوره المشرِق طفا
خبر اللي بأمْرَنا عندك شوير = يِوَصل الاوضاع زي ماهي كفا
يِلد بالثنتين للشخص الفقير = اللي عليه الوقت والفقر حِلفا
لا يلتفت لمنافقي بطنه كبير = هذاك يا مولاي سكين القفا
في نظامه كل فطيرة ثم طِير = ولا بغيته فالمهمات اِختفا
والله انا ننتظر منك البشير = ما هي غريبة منك يا راع الوفا
وعِلمنا الاول كما العلم الاخير = عون لك يا سيدي جهر وخفا