|
(( ياكامل معاني الجمال )). غزلية
قصيدة بعنوان :
(( ياكامل معاني الجمال )) بقلم / فواز بن محسن الزويهري الحربي 〰〰〰〰〰〰〰〰 ياساحر القلب ياكامل معاني الجمال اهديك بيت الوله والعشق فيه احتفا .... الشعر دونك قصر.. وأنت في قصر الكمال لو قيل في غيرك أهل الذوق قالوا كفا .... لكن فيك طرب والحرف لجلك زلال أعذب من النيل ودجلة وانت إلهم صفا .... يابو ثمانٍ سوات الثلج صعب المنال حوله كما الجمر مبسم من ينوشه دفا .... وانفاس من مسك فاخر من عطور الدلال يبري حروح الخفوق اللي زمانه عفا .... سلطانة الغيد. ... ولك فاهل الجمال الجلال نورك وهيبتكِ .... لنور الثريا طفا .... مشيِك على الريش.. دايم وأنتِ تحت الظلال وملبوس متنِك حرير الصين فوقك ضفا .... ومن زود منتِ بترف ماتحملين الثقال أعظم ثقيل فيدينك كاس توت الشفا .... أنت شفا اللايع اللي صار صفوه محال و من قسوة ايامه اتصبح عليه بأفا .... وأنت ضماد الجراح فقلب نزفه سؤال ليه المحبه أسيرة فقيد نار الجفا .... ياساحرة انتِ الرضا من بعد طول اختلال رجعتي فيّه الأمل فشروق صبح الوفا 🍃🍃🍃〰🍃🍃🍃 |
صح لسانك ترليون ههههه
العاشق مايقاله الا زيد زيد هذي مجالسك يابوهليل الله يغنينا عنها |
اقتباس:
صح بدنك وتسلم ولكن من ابو هليل... ويش دخله فالقصيدة |
صح لسانك وبيض الله وجهك
قصيدة جزلة وابيات مميزة يعطيك العافية ودي وتقديري |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
الساعة الآن 08:48 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir