هبت هبوب اهل الردى والنفاقي
 

هبت هبوب اهل الردى والنفاقي

من كل حدب وصوب ياساتر الحال

الارض ضاقت والفضى شبه ضاقي

بعيون ياصالح خبيثين الاعمال

ياسيفي البتار ياعظم ساقي

صحيح من قال الحسد سم قتال

ايلبس الهندي معم العراقي

وعلوم يابن العم ماهي على البال

راع الهروج البايره والدقاقي

اللي يزرفل للخطايا تزرفال

بيني وبينه مايصير اتفاقي

لوقام يلعبها على كل موال

ماحب درب الميسره والمتاقي

سما سما عن كل هافي ومحتال

دايم هواي وغايتي وشتياقي

يابو فهد خوة مطانيخ وابطال

لاصار بيام الزمان اصطفاقي

ليه سند وانا لهم درع وظلال

والا ترا الدنيا عليها طراقي

ماحد عليها مقيم يالمعدن العال

المسعد اللي في نهار التلاقي

سالم من اذنوب المخاليق ياخال

رد الشاعر صالح المحمدي


جتني بيوت ن خارجة عن نطاقي

بيني وبين إرسالها عدة اميال

من شاعر ن يرميلها بالعماقي

ينزح بدول ن مايقلنه احبال

وانا على دلو ن ضعيف العراقي

اما ظهر والا تعلق على الجال

اشوف ابو تركي قعد في رواقي

يشفق سعد مني على شرب فنجال

الفارس اللي في نهار التلاقي

يوم اللقى ماهيبه كثر الازوال

جمع ن تفرق مابقاله بواقي

مايلتفت منهم على الخلف رجال

تستاهل البيضاء علي الطلاقي

تستاهل البيضاء ويرفع لك اعقال

شمس الضحى ماتنحجب بالطواقي

يشرق سناها رغم تعتيم الانذال

ياضلعنا يللي عسير المراقي

مازلزل اركانه عن الارض زلزال

ولا نشد عن ما تقول الطراقي

ولا تردى من هقاويه مثقال

النذل قلناله يمال الفراقي

واهل الوفى نعنالهم كيف ودلال

راح الزبد واللي به الخير باقي

هذي سوات السيل بالارض لاسال

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الحب الباقي
صح بدنك

صوت وصدى
قمة في الابداع
صح الله السنتكم
لاهنتم
للجزالة اهلها لاشك

الشاعره الكحيله
مشكوره على مرورك الاجمل

سيف العوفي
صح بدنك وماعليك زود يابن العم

صح السأنك
وبيض الله وجهك

صح الله السنتكم
وبيض الله وجيهكم