لاحدن يقول إني نسيت
 

ياقلب لا تحزن وتاخذك الظنون
انا على النيه بهالدنيا مشيت
ادري اجامل وابتسم وانت مغبون
ومخفي شعورك وادري انك مارضيت
اعالج اجراحك واخيط من الطعون
وداري احساسك يالين انك بريت
خايف عليك وحافظك حفظ العيون
في فترة غيابك تنكدت وبكيت
اكسر سياج السجن واللي يسجنون
خذهم على غره وكنك مادريت
واطرد طيور الهم ونسور الحزون
اللي لها عامين دام انك صحيت
اضرب بقافك فوق صدقان الصحون
ياعلهم فدوة رفيقي ماحييت
الصاحب الغالي راع القلب الحنون
من عقب ماشد الرحايل ماهتنيت
اذكر قصيده يوم غنى باللحون
واللي بقاله في ضميري بس بيت
والحين ياقلبي توجد لاتهون
خلك على الطالات ثابت مابقيت
وافتح شبابيك الامل لهل الظنون
وزرع بذور الخير في شيً هويت
وخل العواذل والمهبل يهرجون
دامي على النيه بهالدنيا مشيت
الله كريم ويرزق اللي يشكرون
والحمدلله اني في رزقي رضيت
وختامها شاعر مشاعر تفهمون
لاحدن يجي بكره يقول إني نسيت

صح لسانك وبيض الله وجهك

صح لسانك ..

واعتلى شانك..

رررررررائع...