فرق الفتى عن الفتى فعل يمناه
 

يالعبد كثر المال مع كثرة الولد

لاتشغلك عن طاعة الله وتنساه


اليا ضمنت اليوم ماتضمن الغد

العمر رحله والمنايا مفاجاه


صل الفروض وعن هل الذكر لاتصد

واكبح جماح النفس عن كل مشهاه


الام تحت اقدامها جنت الخلد

وبوك برن فيه بالابن تلقاه


خلك صدوق وبالولي جدد العهد

والرحم وصله يحمد العبد عقباه


من لازرعها ورد مايحصد الورد

ماسيت المخلوق تشبه لحسناه


بالناس ياعارف مباغيض ومود

وفرق الفتى عن الفتى فعل يمناه

الحب الباقي
ابو هليل
صح الله ابدانكم وبيض الله وجيهكم

شاعرنا القدير صح لسانك وبيض الله وجهك

اليا ضمنت اليوم ماتضمن الغد
العمر رحـــله والمنايا مفاجاه
الله يلطف بنا ويرحمنا لاوجهناه
نص راقي نسال الله لكم الاجر والثواب
صح الله السانك لاهنت
مستشارنا القدير

صح الله ابدانكم الجميع
وتقبل الله الصيام والقيام

جزاك الله خير


ابداع من اهل الابداع


صح لسانك واعتلا شانك