ملتقى قبيلة حرب الرسمي - الجوال احمد الخواري

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - الجوال احمد الخواري (http://www.m-harb.net/vb/showthread.php?t=153380)

الجوال احمد الخواري

المجلس العامر فقد احبابه
واخاف فالتالي تطيح أطنابه
من سبة الجوال يومه جانا
حاله غريب وهالجهاز اسبابه
كلن على الجوال دنق راسه
مايفرق حضوره معك وغيابه
جالس بجسمه والمشاعر برى
ماهمه المجلس ولا هو آبه
ماهمه الى البربره في تويتر
والا على الواتسب ولا سنابه
لو تنشده عن دنيته وش سوى
قام وعطالك فالسناب احسابه
هذي حقايق والتجارب تحكم
واللي مجرب هالكلام ادرابه
لكني اشهد فالرجال فروقي
كلن على نهجه يسوق ركابه
كلن يمثل فكرته واسلوبه
صعبن يغير فالزمن جلبابه
يالله دخيلك فالزمان الباقي
تحفظ مجالسنا عن اللعابه
وتبقى المجالس للكفو والنشمي
واللي مخلي هاتفه ماجابه..

أحمد بن محمد الخواري

صح لسانك

ابشرك حتا الملتقى

فقد كثير من اعضاءه

بسبة الجوالات مير الله يردهم

كلام في محله لاشك
صح الله السانك
لاهنت شاعرنا

هلا بالاخ عبدالله الحربي صح بدنك والباقين فيهم الخير والبركه والله يرد الغائبين سالمين غانمين

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

اقتباس:

المشاركة الأصلية كتبت بواسطة الكحيلة (المشاركة 1439960)

كلام في محله لاشك
صح الله السانك
لاهنت شاعرنا

حياك الله صح بدنك يالكحيله

اقتباس:

المشاركة الأصلية كتبت بواسطة الحب الباقي (المشاركة 1440004)

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح بدنك ياغالي