للاحمدي خالد سلام وتحيه / الشاعر المعروف جزل المعاني
 

للاحمدي خالد سلام وتحيه
الشاعر المعروف جزل المعاني
مغلفه ومعطره ومعنيه
بالفل واليشموم والزعفراني
ومرتبه ومحدده ومحصيه
مليار عد موثقه بالبياني
مني يابن معتوق لجلك هديه
من صادق اشعوري عليها الضماني
من هاجس بالشعر حاز اولويه
دايم على الجزله بيوته اسماني
يترك غثاه وينتقيه برويه
ويطوعه في كل ظرف ومكاني
حايز على مدح الرجال الوفيه
وحايز على وسام الشرف من زماني
جالك يدور حل لاصعب قضيه
ياكثر مادارت حدود ومواني
احد يقول الذنب كله خويه
واحد يقول الصبر مر ونساني
واحد يجيب حلول دايم عصيه
واحد يقول الحل مافيه جاني
والمشكله راس البلاء والخطيه
من عاش بالنيه لزوم ايعاني
عليك يالزيزوم ماهي قويه
دايم تحل المعضله في ثواني
يانسل شيخان الظفر والحميه
قوم لهم بالطيب دار ومكاني


عبدالعزيز مناور الرويثي الحربي

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الحب الباقي

صح الله بدنك وماعليك زود يالامير

ووجهك ابيض يابعدي

ابو هليل

صح الله بدنك وماعليك زود يالامير


لاهنت

الشاعر الجزل /عبدالعزيز الرويثي
صح لسانك.ومشكور على توجيهك لي هذه القصيده
وشرفتني.
وتبشر بالرّد عليها انشاء الله

شاعرنا القدير / خالد عبيد معتوق الاحمدي

صح الله بدنك وماعليك زود يالامير والشرف لي بالبدع والمساجله مع شاعر قدير وجزل مثلك

تبشر بالجنه وكفو كفو يالامير وعساك على القوه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

ناصر الاحمدي

صح الله بدنك شاعرنا وماعليك زود يالامير

ووجهك ابيض