(ناصربن مصلح)=
العمر راحت سنينه كيف= وحنّا بغفله ولا نبالي
بين الحقيقه وبين الزيف =تبدّلت كل الاحوالي
(محمدسعيدبن ضويعن)=
راحت بنعمه لها توصيف=نعبد وفي أحسن احوالي
وصفك لها يالحبيب مخيف=اشرح لنا السر يالغالي
(ناصربن مصلح)=
الوقت دايم معي كالسيف=يقطع ولا يعرف وصالي
كم راح فيها صديق وضيف=والدار من بعدهم خالي
(محمدسعيدبن ضويعن)=
ذا امر من صاحب التكليف=الصبر ياطيّب الفالي
دعوتك تنفع لهم وتظيف=بالخلد مأوى ومنزالي
(ناصربن مصلح)=
ماضي واصبح كأنه طيف=في هامش الفكر لازالي
للحزن في داخلي ارشيف=مارتاح ممّا احتوا بالي
(محمدسعيدبن ضويعن)=
الكل منّا بشر وضعيف=امره تحت دبرة الوالي
مانزيد مانقدر التطفيف=على ايش للحزن نشتالي