السيف سله والمواقف كفاحي
 

اللي عظامه بالمواقف هشاشه

لو ترفعه ياشاهد الزور طاحي

العلم معنا لاتطول نقاشه

ماكل غلطه يالمنافق سماحي

العام تمدحني على كل شاشه

وتقول ياطير السعد والفلاحي

واليوم بعيونك هزوم وغباشه

عن الحقايق ياقليل الصلاحي

ماكل باشه بالصعيبات باشه

اليا رقص شيطانها من صباحي

يغر بعض الناس لمعة فلاشه

ويفكر ان الدرب قدمه براحي

ياهن فيك اخبال مدري دفاشه

تبغى المطير ومانبت لك جناحي

الدار عارف نادره من خشاشه

والسيف سله والمراجل كفاحي

السلام عليكم ورحمة الله وبركاته


صح السااانك يابو تركي

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله ابدانكم الجميع
وشرفني مروركم

نيدم المجره
صح بدك وسلمت ودمت