اختلاف المسار
 

كثر الكلام اللي على غير داعي

الناس تلقابه عيوب ومداخيل

ينزل الرجال بعد ارتفاعي

وعليه تكثر بالزمان المداخيل

يمكن عليه اتثور من كف راعي

رميه بدون عيار في ظلمت الليل

تنزله من عالي الرجم قاعي

لو بعدها يشرب جميع الفناجيل

احيان صمت القرم سم الافاعي

واشد من ضرب السيوف المصاقيل

للي ليامنه سمع هرج ثاعي

ذيب العلوم وماذكرله محاصيل

يانجم يلي لك مكان وشعاعي

دايم مسارك من ورا الجدي وسهيل

يشوفك اللي في سمانا يراعي

تسري على نورك شيوخ وجماميل

اليوم لايحرف مسارك صناعي

وحول الفضا تكثر عليك الدرابيل

من لاحسبها صح قبل الضياعي

عليه تصعب بالليال المقابيل

من لاحسبها صح قبـل الضياعي
عليــــه تصعب بالليال المقابيل

بطاقة عبور العالم الحياة
قليل من يتخذها قانون بحياته
صح الله السانك لاهنت
ولاهان منطوقك الرااقي

الكحيله
صح الله بدنك
ومشكوره على المرور الاجمل

صح الله السانك مليار يالجزل

نص جزل من شاعر جزل

بيض الله وجهك شاعرنا

صح الله ابدانكم الجميع

رائعه ادبيه واصل عطاءك يالنشمي