ياعاقل اسمع......
 

قصيدة بعنوان

(( ياعاقل اسمع ))

〰〰〰〰〰

بقلم / فواز بن محسن الزويهري الحربي

🌿🌿🌿🌿🌿🌿

ياعاقل اسمع و المعاني جزيلة
والفايدة لو هي من الخصم تغنيك

تضحك لك ايامك بمكرٍ و حيلة
وان كان ما تحذر لزومٍ تبكّيك

دنيا عجيبة... في بهارج جميلة
وان كان تتبعها في غفلة تعرّيك

ما تعرف بدوراتها مستحيلة
ولا تدري بكرة أي الأثواب تكسيك

وثوب الكبر إحذر متونك تشيله
وتشيل جمر ورب الاملاك يقصيك

والناس صاحبها بطيب و جميلة
وازهد في ما تملك تعزك وتغليك

والعين ما تقنع بحاجة قليلة
في كل أمر .. وخل فكرك يقدّيك

وليا حضرت بمجلسٍ ... له عميله
في مجلس الاخصام والناس تعنيك

أرضى قضاة الحق وأهل الفضيلة
اللي لهم شاهد من الناس يكفيك

ولو حكمةٍ جاتك في نفسك ثقيلة
امشي بها لا تلف وتقول تشكيك

الحر يرضى الحق لو مال حيله
والا الردي فالحق ماله مباريك

وحكمٍ على غير الهدى لك تقِيله
عندك ليالي تعد فيها المفاليك

تلزم ليا ماجبت نقضٍ في قِيله
وإن ما لزمت العلم بارت ثماريك

ترا بيوت العرف تعرف جليله
مثل النجوم ادل منها المساليك

وإ ن شفت فالمجلس مخافة وغيلة
لا تجلسه حتى تأمِّن مراويك

ولا تجادل إلا عاقل له حصيله
فالمعرفة يقنع ليا الحق بيديك

ابدي بيان القول و انصب دليله
ترا الدليل يكيد دعوى مداعيك

وإياك والأيمان عقبى وبيلة
والزور والشيطان حذراك يطغيك

لو تكسب الدعوى حياتك عليلة
تخسر في دنيا ودين والنار تاويك

وإن كنت قاضي حُكمَك اضمن كفيله
معدال وكفل وظامنٍ في مباديك

واحذر تروح الناس حكمك تجيله
إلاّ ( لنظر ) وارجع وفسر مرائيك

والعار لا تمشي في صلحه وليله
ماله قضا في عرفنا عنه ناهيك

ماله يكود السيف يقطع صقيله
العار ثار يشب والرب يحميك

وحكم خلاف الشرع حذرا تديله
وضرب الجنابي مخالف الشرع أوعّيك

أمشي في صلح الناس باجمل وسيلة
واصبر في هذا الدرب كله شرابيك

مايستويلك فيه بنّه وهيله
مهما تسوي في دلاله تجديك

والحق لا ارضى شخص يزعل قبيلة
واللي زعل أحذر تظنه يواليك

خلك سواة طويق محدٍ يحيله
ولا ترتجي خاطر من الناس يرديك

اللي زعل من ماش يرضى بفتيلة
ريّح ضميرك ما كتبلك يبا يجيك

والسيل يعرف وين مجرى مسيله
لوغيروا دربه يدك المداكيك

والمرجله ماهي سحابٍ تخيله
ولا هي حساب فبنك ويكتب لها شيك

ولاهي فجيب أغلا في سعره وكِيلَه
ولاهو في بشتٍ بين الأقرام حاويك

المرجلة دينك وويش هو عديله
وحسن الوقوف اليا تنصيت واليك

وحسن الخلق منته محصّل مثيله
والدين تسعد به ولا هو يشقيك

والمرجلة رجلٍ تفانا في جيله
فعل ليا من طال بالحق يزهيك

هذا كلام الصدق عطني بديله
واعطيك قنطار الذهب في معانيك

🌿🌿🌿🌿🌿🌿🌿🌿

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك