ماكل مايختلج بالنفس تعجبه / ولاكل ماتسمعه يلزمك تطبيقه
 

يضيق صدر الحزين اللي نسى ربه
مايدري انه هو اللي يبعد الضيقه
يالله رحمتك والتقصير مانطبه
ياخالق الضيق يافارج مغاليقه
الصدق راعيه نفرح فيه ونحبه
والكذب راعيه مانبغاه ونطيقه
ياليت مايرضي الرحمن نتعبه
وياليت مايغضب الرحمن مافيقه
الموت كاس ومصير الناس تشربه
ياناس توبوا قبل مايحل توثيقه
ماحد بضامن متى ياتيه ويطبه
ولا حد بقادر يرده عنه ويعيقه
يالاهي في زمان التيه تلعبه
احسب حساب الممات ويوم تفريقه
ماكل مايختلج بالنفس تعجبه
ولا كل ماتسمعه يلزمك تطبيقه

عبدالعزيز مناور الرويثي الحربي

عيد العزيز
صح لسانك وعتلا شانك

الله المستعان
كم حي ناسي واغواه طول الامل
صح الله السانك لاهنت

صح لسانك
واعتلا شانك
لا هنت

صح الله بدنك اخوي سعد
ماعليك زود شاعرنا

الكحيله

صح الله بدنك شاعرتنا وماعليك زود

صح الله السانك اخوي احمد وماعليك زرد

صح لسانك يابومناور
الله يعطيك العافيه

صح الله بدنك يالجزل

وماعليك زرد يالامير