|
ياراعي العقل الذهين إسمع لما بعد السلام
ياراعي العقل الذهين اسمع لما بعد السلام
اجلس مع رجالن تفيدك لا بدأ منطوقها واعلم ترى قِل الحكي يغنيك عن كثر الكلام ولا احدن يبيع الطيبة في سوق ماهو سوقها وحلم ترى حلم الرجال ارباحها وقت الخصام واحرص على طيب النبأ واوف الرجال حقوقها وخلك بعيد الشوح لا ترمي بنفسك فالزحام ترى العرب عقالها تنبذ فعل مطفوقها علمن بلا برهان كبه لاتوليه اهتمام خله سحابة صيف فالبيدا تلوح بروقها والجار عزه واكرمه لو كان ماهو من كرام حاول تخيط الطيبة لا بان بعض فتوقها وخل المقال يليق لا أبديته في منزال المقام كم يابسة تحيا ليا منك سقيت عروقها الرجل لا اخطأ واعترف بيزيد قدره فالحشام والمخطية من عين اَهلها ماسترها موقها الطيب يثمر لا زرعته لو بعد عشرين عام يوم الصدور مقفلة ماحدن فتح صندوقها واللي تجي بالواو تفرق ماتجي حسب النظام ويدين تصفق فالهوى ويدين دون احلوقها |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
ياسلاااااااااااام
ابدعت يابومحمد صح لساااااااااااااااانك ملاااااااااين |
نص شامخ لاشك
صح الله السانك لاهنت مراقبنا وشاعرنا القدير بخيتان البشري |
صح الله السانك مليار يالجزل
نص شامخ وجزل من شاعر جزل لاهنت ولاهان منطوقك يابو محمد |
صح لسانك يابو محمد
|
صح الله لسانك ولاهنت وسلم فكرك وبنانك دمت برعاية الله وحفظة |
ولا احدا يبيع الطيبه في سوق ماهو سوقها
صح لسانك يا ابومحمد لا خلا ولا عدم مبدع كالعاده يا ابومحمد |
الساعة الآن 05:02 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir