ملتقى قبيلة حرب الرسمي - هلابك يابعد كل القصيد وحبكة القيفان / هلابك ياشقى عمر(ن) مع الايام حبيته

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

هلابك يابعد كل القصيد وحبكة القيفان / هلابك ياشقى عمر(ن) مع الايام حبيته

من الارشيف

هلابك يابعد كل القصيــد وحبكة القيـفان
هلابك ياشقى عمر(ن) مع الايـام حبيـــته
هلابك يوم جيتيني وانا الظامي وانا الشفقان
يطيرني غلاك اللي لك الله مـاتنـاسيته
انا من يوم مارحتي وانـا كلي ترى ندمـان
اشيل الهم في صدري عساه يطيــب واخفيته
صحيح ان الخــطا مني وانا اسف وانا غلطان
عسى قلبك يسامحني على اللي صارواخطيته
وفاء منك تجيـــني والمسـا في حضرتك يزدان
يسولف للهوى عن طـــاري الفرحه ولبيـته
اخذتي من مساه اجمل تفاصيـل القمر لابـان
وضـاع بصبحك اللي ماهوى غيري وضميـته
تعالي نرسم دروب الغلا ونـــوادع الاحــــزان
تعالي نبني قصــور الغــرام اللي تمنيــــــته
تعالي واسمعي شعر(ن) كتبته صار لك عنوان
حروفه تنـــطق بأسمك وكله فيـــك سميــــــته
احبك ايه انا وحضــورك الليـــــله مطر ودان
سقى رشه على قـاع الهجير وذاع لي صيته
عساني مانحرم منك واشوفك بالحـياه ازمان
وعسى كل السـعد دايم يجيك وتسكني بيته

عبدالعزيز مناور الرويثي الحربي

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

[table1="width:95%;"]

صح لسانك ياسلام يابوسعود جزل
تقبل تحياتي وتقديري

اقتباس:

المشاركة الأصلية كتبت بواسطة الحب الباقي (المشاركة 1438334)

¨°o.o ( ×××××××) o.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح بدنك وماعليك زود يالامير

ووجهك ابيض يابعدي

اقتباس:

[/table1]

المشاركة الأصلية كتبت بواسطة محمدمطرالفريدي (المشاركة 1438386)

[table1="width:95%;"]

صح لسانك ياسلام يابوسعود جزل
تقبل تحياتي وتقديري

صح بدنك يابو مطر وماعليك زود يالامير

لاهنت

صح لسانك
وانا من معجبين بقصايدك
كل الابداع لك

صح بدنك يابريق السماء وماعليك زود

شرف لنا اعجابك ومتابعتك

صح السانك وبيض الله وجهك
جزلة من جزل

صح بدنك وماعليك زود

لاهنت

صح الله لسانك
ولاهنت
وسلم فكرك وبنانك
دمت برعاية الله وحفظة