|
سم الافاعي
البارحه سم الافاعي بلعناه
وسكت ماكنه على الكبد سمي اليا ذكرته جض قلبي من اقصاه ويزود من زود المجاهيم همي اضحك وانا اللي ناقلن داه برداه ومن واقع الاحداث محروق دمي اليا بغيت اوصل العلم منهاه اقول مبغا جرحها يستشمي اخيل براقن على حد ممناه مزنه نشا من دار راع المعمي برقه نشوفه والرعد كلن اوحاه فوق الجبال الشاهقه مدلهمي خلفه راع المعزا يتاحي لمعزاه ورد على عدن غزير المجمي رما هدف بين الصلاتين وخطاه بالبندق اللي عن هدفها تزمي ضحكت له لين انكشف سر دعواه واليوم لاخالي ولاهو بعمي ليت المعنا يوم جيله تعداه على المنابر مانشوفه ينمي كثرة عيوبه يوم قلت مزاياه وتالي زمانه وجه الركب يمي من خوف ماتفرح بها غرب ووشاه وتحط مضمون الخبر وسط كمي خارج محيط الدايره ماكتبناه لاتشوش الافكار والقول تمي |
رما هدف بين الصلاتين وخطاه
بالبندق اللي عـــن هدفها تزمي مدري ويش اقول عن هذا البيت الخالد لكن يكفي الرامي خيبة انه اختار الوقت الغلط عتمة للرمي وفوق هذا البندق اصلٍ فيها عيب الله من قرادة الحظ ف لا السلاح ولا الوقت يناسب ابدعت شاعرنا بكل معنى الكلمة صح الله السانك لاهنت شاعرنا الكبير سعد المحمدي نص يستحق الاحتفى والتميز لاشك |
صح الله السانك يالجزل
قلت واجزلت وابدعت بيض الله وجهك شاعرنا القدير |
الشاعره المميزه
الكحيله صح الله بدنك ومشكوره على الاشاده والمرور الراااائع |
الشاعر الجزل عبد العزيز
الله يعزك وصح بدنك ومشكور على مرورك الرائع |
ابو تركي صح منطوقك
ابيات مبنى ومعنى تصوير اروع من رائع |
ابو محمد
سلمت ودمت على مرورك الرائع |
¨°o.O ( ×××××××) O.o°¨
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
الحب الباقي
صح بدنك وبييض الله وجهك |
رد
[table1="width:95%;"] | [/table1]صح لسانك وأعتلى شانك عزيزي سعد ياسلام ابداع لافض فوك سجل اعجابي وتقبل تحياتي وتقديري |
الساعة الآن 11:55 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir