ملتقى قبيلة حرب الرسمي - حنا مثل روس الجبال المناعيت

اخطيت في حاله وفي حال ماخطيت

كلن حسب عرفه يفسر كلامي

ماني معرض محزمي لشماميت

غالي ومن ناسن عليه احشامي

دونه نخليها فتيله وكبريت

بالقول ولا في رهيف الحسامي

ياليتني بالسالفه ماتماديت

وقفيت عنها ياهل العرف شامي

لو ماحصل من هرج مايهدم البيت

سوالفن قدام سبعين عامي

بيضا ولا فيها مثل نقطة الزيت

فيها اختلافن حول بعض الاسامي

حنا مثل روس الجبال المناعيت

ياداخله بين اللحم والعظامي

عزوه تشتت نقوت القوم تشتيت

لاثار عج الخيل والرمي حامي